ممبئی: بالی وڈ کے سُپر اسٹار شاہ رخ خان نے اپنی آئندہ ریلیز کی جانے والی فلم ’ڈنکی‘ سے متعلق کچھ تفصیلات مداحوں کے ساتھ شیئر کر دیں۔
بھارتی میڈیا کی رپورٹس کے مطابق ’سنجو‘ جیسی متعدد بلاک بسٹر فلمیں دینے کے بعد نامور فلم ہدایت کار راج کمار ہرانی ایک مرتبہ پھر ڈرامہ کامیڈی فلم ’ڈنکی‘ لے کر آ رہے ہیں۔
فلم میں مرکزی کردار کیلیے سُپر اسٹار شاہ رخ خان کا چناؤ کیا گیا ہے۔ اداکار نے سوشل میڈیا پر مداحوں کے ساتھ گفتگو کرتے ہوئے فلم کی کچھ تفصیلات شیئر کیں۔
ایک مداح نے پوچھا کہ فلم کیسے بنائی جا رہی ہے؟ اس کے جواب میں شاہ رخ خان نے کہا کہ ڈنکی مکمل ہوگئی اور اپنی زندگی کی طرح بہت خوبصورت ہے۔
دوسرے مداح نے پوچھا کہ کیا ہمیں فلم میں کوئی ایکشن سین دیکھنے کو ملے گا؟
اس پر سُپر اسٹار نے بتایا کہ ’فلم مزاحیہ اور جذباتی ہے۔ یہ راجو سر (راج کمار ہرانی) کی دنیا ہے بھائی۔ تھوڑا سا ایکشن میں نے ڈال دیا ہے لیکن پتا نہیں سر رکھیں گے یا نہیں کیونکہ وہ ایک ایڈیٹر بھی ہیں نا۔‘
#Dunki is all funny and emotional. It’s Raju sirs world mere bhai. Thoda sa action maine daal diya hai…pata nahi sir rahein na rakhein….woh editor bhi hain na!!! https://t.co/aoAjPVpQHU
— Shah Rukh Khan (@iamsrk) September 27, 2023
#Dunki Fixed hi hai. Aur kya karoon Maathe pe gudwa loon!!!! https://t.co/2M5u6iFR8d
— Shah Rukh Khan (@iamsrk) September 27, 2023
مداحوں کے ساتھ گفتگو میں شاہ رخ خان نے ایک بار پھر تصدیق کی ہے کہ فلم 22 دسمبر 2023 کو ہی سینما گھروں میں نمائش کیلیے پیش کی جائے گی۔
راج کمار ہرانی کی فلمیں صرف تفریح کیلیے ہی نہیں جانی جاتی ہیں بلکہ یہ جذباتی بھی ہوتی ہیں۔ اگر ’ڈنکی‘ بھی اسی جادو کو دہراتی ہے تو یہ باکس آفس پر ایسے ریکارڈ بنائے گی جو پہلے کبھی نہیں دیکھے گئے۔
فلم جیو اسٹوڈیو، ریڈ چلیز انٹرٹینمنٹ اور راج کمار ہرانی فلمز کے بینر تلے پروڈیوس کی جا رہی ہے جس میں ہیروئن کا کردار تاپسی پنو نبھائیں گی جبکہ بومن ایرانی بھی اس کا حصہ ہیں۔
