پشاور : پاکستان کے نمائندہ خصوصی برائے افغانستان محمد صادق کابل میں سفیر عبید نظامانی کی جان بچانے والے ایس ایس جی مجاہد اسرار محمد سے ملاقات کے لیے پشاور پہنچ گئے۔
تفصیلات کے مطابق پاکستان کے نمائندہ خصوصی برائےافغانستان محمد صادق نے سماجی رابطے کی ویب سائٹ ٹوئٹر پر اپنے بیان میں کہا کہ ایس ایس جی مجاہد اسرار محمد سے ملاقات کے لیے پشاور پہنچا، اسرارمحمد نے2دسمبرکو کابل میں سفیرعبیدنظامانی کی جان بچائی، حملے میں اسرار محمد نے سینے اور ٹانگ میں گولیاں لگنے کے باوجود جوابی فائرنگ کی اسرار محمدماشااللہ خیریت سےہیں ان کاحوصلہ بلندہے۔
1. Travelled to Peshawar to meet SSG mujahid Israr Mohammad who saved Ambassador Ubaid Nizamani’s life during an assassination attempt on 2 December ’22 in Kabul. He took bullets as he shielded the Ambassador & responded to fire despite receiving bullets in the chest and leg. pic.twitter.com/JSaRiYZILa
— Mohammad Sadiq (@AmbassadorSadiq) December 5, 2022
یاد رہے افغانستان کے دارالحکومت کابل میں پاکستانی ناظم الامور کو نشانہ بنایا گیا، فائرنگ سے سپاہی اسرار محمد زخمی ہوگیا تھا۔
پاکستانی سفارتی حکام پر اس وقت فائرنگ کی گئی جب ناظم الامور عبید الرحمان نظامانی چہل قدمی کررہے تھے۔
