The news is by your side.

Advertisement

ایس ایس یو خواتین کمانڈوز پہلی بار یومِ پاکستان پریڈ میں شرکت کیلئے تیار

کراچی: ایس ایس یو خواتین کمانڈوز پاکستان پریڈ میں پہلی بارشرکت کیلئے تیار ہے، ڈی آئی جی سیکیورٹی کا کہنا ہے کہ ایس ایس یو خواتین کمانڈوز کی شرکت باعث فخر ہے۔

تفصیلات کے مطابق اسپیشل سیکیورٹی یونٹ (ایس ایس یو) کی خواتین کمانڈوز پہلی بار پاکستان پریڈ شرکت کریں گی ، خصوصی دستہ اسلام آباد میں سندھ پولیس کی نمائندگی کرے گا جبکہ پولیس، اے ایس ایف اور دیگراداروں کے دستے بھی شرکت کریں گے۔

A SPECIAL CONTINGENT OF LADY COMMANDOS OF SPECIAL SECURITY UNIT TO PARTICIPATE IN PAKISTAN DAY PARADE

Karachi: – A…

Posted by SSU Sindh Police on Monday, March 22, 2021

ڈی آئی جی سیکیورٹی مقصوداحمد کا کہنا ہے کہ ایس ایس یو خواتین کمانڈوز کی شرکت باعث فخر ہے، پاکستان ہماری شناخت ہے۔

یاد رہے ایئر پورٹ سیکیورٹی فورس (اے ایس ایف) بھی پہلی بار 23 مارچ کو یوم پاکستان پریڈ میں شرکت کررہی ہے، اےایس ایف کا دستہ 232افسران و جوانوں سمیت 15 خواتین پر مشتمل ہے۔

اےایس ایف کا کہنا ہے کہ یوم پاکستان کے پریڈ کے موقع پراے ایس ایف اسلام آبادکےشکرپڑیاں میں ریہرسل میں مصروف ہے ، اےایس ایف تمام ایئرپورٹس کی حفاظت کیلئے ہم وقت کوشاں ہے، پریڈمیں شامل دستےکی سلیکشن ملک بھر کے تمام ایئرپورٹس سے کی گئی۔

خیال رہے کہ یوم پاکستان، پاکستان کی تاریخ کا بہت اہم دن ہے، اس دن قرارداد پاکستان پیش کی گئی تھی، جس کی بنیاد پر مسلم لیگ نے برصغیر میں مسلمانوں کے جدا وطن کے حصول کے لیے تحریک شروع کی تھی، اور 7 برس کے بعد اپنا مطالبہ منظور کرانے میں کامیاب رہی، وہ مطالبہ جو اسلامی جمہوریۂ پاکستان کے نام سے دنیا کے نقشے پر ابھرا۔

یوم پاکستان منانے کے لیے ہر سال 23 مارچ کو خصوصی تقریب کا اہتمام کیا جاتا ہے، جس میں پاکستان مسلح افواج پریڈ بھی کرتے ہیں۔

Comments

یہ بھی پڑھیں