The news is by your side.

Advertisement

اداکارہ روبی انعم دل کا دورہ پڑنے پر اسپتال منتقل

لاہور: پاکستانی اسٹیج اور ٹی وی اداکارہ روبی انعم کو دل کا دورہ پڑنے پر اسپتال منتقل کردیا گیا۔

اے آر وائی نیوز کی رپورٹ کے مطابق اسٹیج اور ٹی وی کی معروف اداکارہ روبی انعم کو دل کا دورہ پڑنے پر پنجاب انسٹی ٹیوٹ آف کارڈیالوجی اسپتال منتقل کردیا گیا۔

ذرائع کا کہنا ہے کہ اداکارہ روبی انعم اس وقت پنجاب انسٹی ٹیوٹ آف کارڈیالوجی لاہور کے انتہائی نگہداشت کے یونٹ میں زیر علاج ہیں۔

اداکارہ کے شوہر گلوکار و پروڈیوسر اظہر اقبال بٹ نے مداحوں سے روبی انعم کی صحت کے لیے دعاؤں کی اپیل کی ہے۔

خاندانی ذرائع کا کہنا ہے کہ اسپتال میں ڈاکٹرز کی جانب سے روبی انعم کی طبی مدد کی جارہی ہے اور ان کے مختلف ٹیسٹ بھی کیے گئے ہیں۔

واضح رہے کہ روبی انعم مختلف ٹی وی شوز میں مزاحیہ اداکاری کے فرائض انجام دے چکی ہیں، مداحوں کی جانب سے ان کی اداکاری کو پسند کیا جاتا ہے۔

fb-share-icon0
Tweet 20

Comments

comments

یہ بھی پڑھیں