نئی دہلی: بھارتی ریاست بہار میں میں سیاسی جماعت کی ریلی کے دوران اسٹیج گر گیا جس میں متعدد رہنما اور اراکین زخمی ہوئے۔
بھارتی میڈیا رپورٹ کے مطابق اپوزیشن جماعت کانگریس نے ایک روز قبل بہار کے مغربی علاقے چیمپارن میں واقع باگاہی دیوراج میں عوامی ریلی کا انعقاد کیا جس کے دوران اسٹیج گرنے کا واقعہ پیش آیا۔
این این آئی کی رپورٹ کے مطابق اسٹیج گرنے کے نتیجے میں کانگریس کے رہنما عمران پراتا گھڑی اور اکلیش سنگھ سمیت متعدد کارکنان زخمی ہوئے۔
پولیس حکام کے مطابق اسٹیج پر ضرورت سے زیادہ کارکنان اور رہنما موجود تھے جس کے باعث حادثہ پیش آیا۔
#WATCH Bihar: Stage collapsed during a public rally of Congress party at Bagahi Deoraj in West Champaran, earlier today.
Party leaders Imran Pratapgarhi and Akhilesh Singh along with several party workers were present on the stage when it collapsed. pic.twitter.com/VoCpT95b0s
— ANI (@ANI) October 29, 2020
بھارتی میڈیا نے اسٹیج گرنے کی ویڈیو جاری کی جس میں دیکھا جاسکتا ہے کہ تقریر کے دوران اچانک اسٹیج نیچے گر پڑا۔ متاثرہ افراد کو ریسکیو کر کے قریبی اسپتال منتقل کیا گیا۔ ڈاکٹرز نے زخمیوں کو ابتدائی طبی امداد دے کر گھروں کو روانہ کیا۔ خوش قسمتی سے حادثے میں کوئی جانی نقصان نہیں ہوا۔