ہفتہ, جون 22, 2024
اشتہار

تیز ہواؤں نے اسٹیج پر قیامت ڈھا دی، 9 ہلاک، دل دہلا دینے والی ویڈیو

اشتہار

حیرت انگیز

میکسیکو میں انتخابات کے سلسلے میں منعقدہ ایک ریلی کے دوران اچانک اسٹیج پر قیامت ٹوٹ پڑی، حادثے میں ایک بچے سمیت 9 افراد ہلاک اور متعدد زخمی ہو گئے ہیں۔

غیر ملکی میڈیا رپورٹس کے مطابق میکسکو میں انتخابی ریلی کے دوران تیز ہواؤں کے باعث اچانک اسٹیج گر گیا، نو افراد زندگی سے ہاتھ دھو بیٹھے تاہم اسٹیج پر تقریر کرنے والے صدارتی امیدوار جارج الواریز مائنیز بال بال بچ گئے۔

- Advertisement -

یہ حادثہ شمالی میکسیکو کے شہر سان پیڈرو گارزا گارسیا میں بدھ کے روز پیش آیا، جہاں اسٹیج پر صدارتی امیدوار خطاب کر رہے تھے کہ اچانک تیز ہوا کے باعث بڑی اسکرین اسٹیج پر گری، اور اس کے باعث اسٹیج تباہ ہو گیا۔

حادثے میں 50 سے زیادہ افراد زخمی ہوئے ہیں، جنھیں اسپتال منتقل کر دیا گیا ہے، سوشل میڈیا پر سامنے آنے والی ویڈیو میں اسٹیج پر اسکرین گرتے دیکھا جا سکتا ہے جس سے کہرام مچ گیا اور لوگ چیخ و پکار کرنے لگے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں