اسلام آباد : داسوہائیڈرو پاورپروجیکٹ کے کنکریٹ اسٹارٹر ڈیم کا پہلا مرحلہ ہائی فلو سیزن سے قبل مکمل کرلیا، پہلے مرحلے میں اسٹارٹر ڈیم کی سطح سمندر سے بلندی 785 میٹر ہے۔
تفصیلات کے مطابق داسو ہائیڈرو پاورپروجیکٹ پر ایک اور اہم پیشرفت ہوئی ، ترجمان نے بتایا کہ پروجیکٹ کےکنکریٹ سٹارٹرڈیم کاپہلامرحلہ ہائی فلوسیزن سے قبل مکمل کرلیا گیا۔
ترجمان واپڈا نے بتایا کہ ڈیزائن کے تحت داسوپروجیکٹ کاکنکریٹ سٹارٹرڈیم 2مختلف مراحل میں مکمل ہوگا ، پہلے مرحلے میں اسٹارٹر ڈیم کی سطح سمندر سے بلندی785 میٹر اور دوسرے مرحلے میں اسٹارٹر ڈیم کی سطح سمندر سے بلندی 798 میٹر ہے۔
ترجمان واپڈا کا کہنا تھا کہ ہائی فلوسیزن شروع ہونےپردریائےسندھ کاپانی داسوٹنلزسےگزررہاہے، ڈیزائن کےمطابق دریائےسندھ کاکچھ پانی کنکریٹ سٹارٹرڈیم کےاوپرسےبھی بہہ رہا ہے۔
ترجمان کے مطابق اکتوبر میں اسٹارٹر ڈیم کا دوسرا مرحلہ شروع ہوگا، تکمیل آئندہ لو فلوسیزن میں ہے۔
