The news is by your side.

Advertisement

اسٹار کرکٹر کا ٹریفک چالان ہو گیا

لاہور میں قانون کی خلاف ورزی پر پولیس نے قومی کرکٹ ٹیم کے جارج مزاج بلے پاز آصف علی کا چالان کردیا ہے۔

قومی کرکٹر آصف علی ٹریفک قوانین کی خلاف ورزی کرنے پر مشکل میں پھنس گئے۔ پولیس کے مطابق لاہور کے علاقے اچھرہ میں ٹریفک وراڈن نے کالے شیشے ہونے کی وجہ سے گاڑی روکی جسے کرکٹر محمد آصف چلارہے تھے۔

پولیس کے مطابق کرکٹر آصف علی کا چالان گاڑی میں کالے شیشے لگانے پر کیا گیا، ٹریفک وارڈن نے آصف علی پر 500 روپے پر جرمانہ عائد کیا، جبکہ گاڑی کے شیشوں سے کالے پیپر بھی اتار دیے۔

یہ بھی پڑھیں: گن مین اور ذاتی اسکواڈ رکھنے پر پابندی

خیال رہے کہ پنجاب حکومت نے پرائیویٹ گاڑیوں میں گن مین، ذاتی اسکواڈ ساتھ رکھنے اور کالے شیشہ لگانے پر پابندی عائد کر رکھی ہے۔ اس حوالے سے گشت پر مامور پولیس اہلکاروں کو ہدایات جاری کی گئی ہیں۔

ٹریفک پولیس کا کہنا ہے کہ شہر میں کالے شیشوں کے خلاف خصوصی مہم جاری ہے۔

واضح رہے کہ اس سے قبل قومی کرکٹرز محمد حفیظ، احمد شہزاد اور سرفراز احمد سمیت دیگر کھلاڑیوں کو ٹریفک قوانین کی خلاف ورزی کرنے پر چالان کیے گئے ہیں۔

Comments

یہ بھی پڑھیں