The news is by your side.

Advertisement

اسٹارک نے شاہینوں کے شکار کا طریقہ بتادیا

لاہور: آسٹریلوی فاسٹ بولر مچل اسٹارک نے شاہینوں کے شکار کرنے کا راز بتادیا۔

تفصیلات کے مطابق آسٹریلوی فاسٹ بولر مچل اسٹارک نے گزشتہ روز دن کے اختتام پر میڈیا سے گفتگو کرتے ہوئے کہا کہ پاکستانی کھلاڑیوں کو آؤٹ کرنے کے لیے ریورس سوئنگ کا استعمال کیا۔

انہوں نے کہا کہ ہم نے پچھلے دونوں میچز میں اچھی بیٹنگ کی لیکن ہم میچ کو نتیجے تک نہ پہنچا سکے، یہی وجہ تھی کہ پچھلے میچز ڈرا ہوگئے ۔

مچل اسٹارک کا کہنا تھا کہ کراچی ٹیسٹ میں ہمارا خیال تھا کہ وکٹ پر جتنے کریکس ہوتے ہیں اس سے کچھ مختلف ہوں گے تاہم توقعات کے برعکس ہوا لہٰذا اب ہم نے اپنے بولرز پر زور دیا ہے کہ قذافی اسٹیڈیم کی پچ کے بجائے ریورس سوئنگ پر انحصار کریں۔

فاسٹ بولر کا کہنا تھا کہ کراچی ٹیسٹ میچ میں پاکستانی بیٹرز کو اچھی بیٹنگ کا سہرا جاتا ہے لیکن ہم اب اچھی پوزیشن میں ہیں۔

خیال رہے کہ لاہور ٹیسٹ کی پہلی اننگز میں آسٹریلیا نے پہلی اننگز میں 391 رنز بنائے جب کہ جواب میں قومی ٹیم 268 رنز پر آؤٹ ہوگئی تھی۔

آسٹریلوی کپتان پیٹ کمنز نے اس اننگز میں 5 آؤٹ کیے جب کہ مچل اسٹارک نے 4 وکٹیں لی تھیں۔

Comments

یہ بھی پڑھیں