کراچی: شرح سود پر افواہوں اور گزشتہ روز اسٹاک مارکیٹ پر مندی کے بعد اسٹیٹ بینک آف پاکستان نے وضاحت جاری کردی۔
تفصیلات کے مطابق اسٹیٹ بینک آف پاکستان کی جانب سے جاری کردہ اعلامیہ میں بتایا گیا کہ مانیٹری پالیسی کا ہنگامی اجلاس منعقد کیے جانے کی رپورٹیں بے بنیاد ہیں۔
بینک دولت پاکستان کی زری پالیسی کمیٹی (ایم پی سی) کے ہنگامی اجلاس کے انعقاد کے بارے میں گردش رپورٹیں بے بنیاد ہیں۔
جاری اعلامیہ کے مطابق مستقبل کے پالیسی ریٹ سے متعلق پیش گوئی کرنا قبل از وقت ہوگا کیونکہ صرف ایم پی سی، جو ایک آزاد قانونی ادارہ ہے، پالیسی ریٹ کے بارے میں فیصلہ کرنے کی مجاز ہے۔
اسٹیٹ بینک کے مطابق ایم پی سی کے آئندہ اجلاس کے انعقاد کی تاریخ 14 ستمبر 2023 ہے، جس کے دوران کمیٹی معاشی حالات کا جائزہ لے گی اور اس سلسلے میں موزوں فیصلہ کرے گی۔
Comments
- Advertisement -
