اسلام آباد : مالی سال 22-2021 کے مقابلے میں گزشتہ مالی سال ترسیلات زر میں15.9فیصد کی کمی سامنے آئی ہے۔ اوورسیز پاکستانیوں نے جون کے دوران 2.2 ارب ڈالر بھیجے۔
اس حوالے سے اسٹیٹ بینک آف پاکستان کی رپورٹ کے مطابق مالی سال 23-2022 میں ترسیلات زرکی میں مد27ارب ڈالر موصول ہوئے۔
رپورٹ میں کہا گیا ہے کہ مالی سال 22-2021 میں مجموعی ترسیلات زر 31 ارب 30 کروڑ ڈالر موصول ہوئے تھے۔ جون 2023 میں کارکنوں کی ترسیلات زر میں ماہ بہ ماہ بنیاد پر 3.9 فیصد اضافہ ہوا۔
جون 2023 میں ترسیلات زر میں 27 فیصد کی کمی ریکارڈ کی گئی اور 2 ارب 20 کروڑ ڈالر موصول ہوئے، جون 2022 میں ترسیلات زر کی مد میں 2 ارب 80 کروڑ ڈالر موصول ہوئے تھے۔
مالی سال 2023 کے دوران کارکنوں کی ترسیلات زر کی مد میں مجموعی طور پر 27.0 ارب ڈالر موصول ہوئے جو مالی سال2022کے مقابلے میں 13.6 فیصد کمی ہے۔ جون 2023 میں ترسیلات زر کی آمد کے اہم ذرائع میں سعودی عرب (515.1 ملین ڈالر)، برطانیہ (343.0 ملین ڈالر) متحدہ عرب امارات (324.7 ملین ڈالر)، اور امریکا (272.3 ملین ڈالر) شامل ہیں۔
