کراچی: چھوٹے اور متوسط کاروباروں کے فروغ کے لیے اسٹیٹ بینک آف پاکستان نے قرضے بڑھانے کا فیصلہ کر لیا ہے۔
تفصیلات کے مطابق ایس بی پی نے ملک میں ایس ایم ایز کی فنانسنگ بڑھانے کا فیصلہ کیا ہے، اس سلسلے میں جاری اعلامیے میں کہا گیا ہے کہ اسٹیٹ بینک نے چھوٹے کاروباروں کو قرضے کی حد 10 کروڑ تک بڑھا دی ہے۔
اعلامیے کے مطابق متوسط کاروباری اداروں کے لیے قرضے کی حد 50 کروڑ روپے مقرر کر دی گئی ہے۔
- Advertisement -
مرکزی بینک کا کہنا ہے کہ بینکوں اور ڈی ایف آئیز کو لیکوئڈ اثاثوں کی کٹوتی کرنے کی اجازت ہوگی، اسٹیٹ بینک کی جانب سے بینکوں اور مالیاتی اداروں کو فی الفور تبدیلیاں لاگو کرنے کی ہدایت بھی کر دی گئی ہے۔
