کراچی: اسٹیٹ بینک آف پاکستان کی جانب سے 3 ایکس چینج کمپنیوں کے لائسنس معطل کردیے گئے ہیں۔
تفصیلا ت کے مطابق اسیٹ بینک کا کہنا ہے کہ قواعد و ضوابط کی خلاف ورزی پر ان ایکسچینج کمپنیوں کے اجازت نامے معطل کیے گئے ہیں جو کہ تاحکم ثانی معطل رہیں گے۔
اسیٹ بینک نے کہا کہ ایکسچینج کمپنیوں کے لائسنس کی منسوخی کا اطلاق فوری طور پر ہوگا۔ ایکسچینج کمپنیاں کاروباری سرگرمیوں میں حصہ نہیں لیں گی۔
خیال رہے کہ اس سے قبل اسٹیٹ بینک آف پاکستان کی جانب سے تمام مالیت کے نئے نوٹ لانے کا اعلان بھی کیا جاچکا ہے۔
ذرائع اسٹیٹ بینک کا کہنا تھا کہ جعلی نوٹوں کی شکایتیں زیادہ ہیں جس کے بعد تمام مالیت کے نئے نوٹ لانے کا فیصلہ کیا گیا۔ نئے کرنسی نوٹ بین الاقوامی سیکیورٹی فیورچرز کے ساتھ ہوں گے۔
گورنر اسٹیٹ بینک جمیل احمد کا بتانا تھا کہ نئے نوٹ کی ڈیزائن کا فریم ورک مارچ تک مکمل کرلیا جائے گا۔
انھوں نے کہا کہ نئے نوٹوں کو بین الاقوامی سیکیورٹی فیچرز کے ساتھ چھاپا جائے گا، نوٹوں کو نئے سیریل نمبرز، ڈیزائن اور ہائی سیکیورٹی فیچرز کے ساتھ متعارف کروایا جائے گا۔
