کراچی : اسٹیٹ بینک 16 دسمبر کو مانیٹری پالیسی کا اعلان کرے گا، جس میں شرح سود میں کمی کی توقع ہے۔
تفصیلات کے مطابق اسیٹیٹ بینک میں مانیٹری پالیسی کمیٹی کا اجلاس پیر 16 دسمبر کو منعقد یوگا، اجلاس کے بعد اسٹیٹ بینک مانیٹری پالیسی کا اعلان پریس ریلیز کے زریعے کرے گا۔
پالیسی میں شرح سود میں کمی کی توقع ہے، ماہرین کا کہنا ہے کہ اسٹیٹ بینک شرح سود میں 150 سے 200 بیسسز پوائنٹس کمی کرسکتا ہے۔
- Advertisement -
ماہرین نے کہا کہ نومبر میں افراط زر کی شرح 6 سال کی کم ترین سطح 4.9 فیصد تک آگئی ہے، نمایاں کمی کے بعد اسٹیٹ بینک شرح سود میں واضح کمی کرے گا۔
کراچی چیمبر آف کامرس نے شرح سود میں 400 بیسسز پوائنٹس کا مطالبہ کیا ھے، جاوید بلوچانی کا کہنا ہے کہ شرح سود کو فوری سنگل ڈیجیٹ میں لایا جائے۔
