غصہ ایک ایسی کیفیت کا نام ہے جس میں خوف، اداسی، فرسٹریشن، پچھتاوا، شرمندگی یہاں تک کہ خوشی بھی جب ایک حد کو پار کرے تو غصہ ظاہر ہوگا۔
ہم نے اکثر بہت سے بچوں کو غصہ کرتے دیکھا ہوگا جس میں وہ آپے سے باہر ہوجاتے ہیں، جس کے نتیجے میں والدین کو شرمندگی کا سامنا کرنا پڑتا ہے۔
اپنے بچوں کو اچھا ماحول، اچھا گھر، بہتر خوراک، کپڑے اور بہترین مستقبل مہیا کرنا والدین کی ذمہ داری ہے جو ہر بچے کا حق ہے۔
بہت سے والدین اس بات سے ناواقف ہیں کہ جسمانی ضروریات کے ساتھ ساتھ بچوں کی کچھ جذباتی ضروریات بھی ہیں جن کی دیکھ بھال کرنا بھی والدین کی ذمہ داری ہے۔
اس حوالے سے اے آر وائی نیوز کے پروگرام باخبر سویرا میں ماہر اطفال ڈاکٹر معیز حسین نے کچھ اہم باتوں کی جانب توجہ دلائی ہے جسے والدین کیلئے سمجھنا ضروری ہے۔
انہوں نے کہا کہ محققین نے اس کیفیت کے حوالے سے تحقیق کی جس میں انہوں نے ایک نتیجی اخذ کیا جس کو ایموشنلی انٹیلی جینس کہا جاتا ہے جسے انہوں نے تین حصوں میں تقسیم کیا ہے جس کی تربیت شروع سے دینا ضروری ہے۔
محققین کا کہنا ہے کہ والدیں کو چاہیے کہ بچے کو سب سے پہلے صبر اور تحمل سکھائیں اس کے بعد صلہ رحمی اور رب کا شکر ادا کرنے کی عادت۔
انہوں نے کہا کہ بدقسمتی سے پاکستانی لوگ ایموشنلی تو بہت ہیں لیکن ایموشنلی انٹیلی جینٹ نہیں، اس کے ساتھ ساتھ یہ والدین کا یہ بھی فرض ہے کہ وہ اپنے بچے کو جذبات پر قابو پانے کے طریقے اور جذبات کا اظہار کیسے کرنا ہے یہ سکھائیں کیونکہ یہ جانے بغیر کہ جذبات سے کیسے نمٹنا ہے آپ کے بچے کے لئے زندگی میں آگے بڑھنا مشکل ہو سکتا ہے۔
