The news is by your side.

Advertisement

فنکاروں نے آہنی ٹکڑوں سے کئی میٹر بلند بلی تیار کرلی

قاہرہ : مصری فنکاروں نے لوہے کے بے کار ٹکڑوں سے دیوقامت بلی بناکر دنیا کو حیران کردیا۔

دنیا کا کوئی آرٹسٹ اپنے فن سے دیکھنے والوں کو حیرت میں مبتلا کرنے کا فن بخوبی جانتا ہے لیکن مصر کے فنکاروں نے لوہے کے اسکریپ سے چھ میٹر بلند مجسمہ تیار کرلیا۔

بلی کا چھ میٹر بلند دیوقامت مجسمہ مصری دارالحکومت قاہرہ کے فنکاروں نے تخلیق کیا ہے۔

آرٹسٹوں نے لوہے کے بے کار تین ہزار ٹکڑوں کا استعمال کرتے ہوئے بلی کا بلند مجسمہ بنایا ہے جیسے دیکھنے والے بھی دنگ رہ گئے ہیں۔

غیر ملکی خبر رساں ادارے کا کہنا ہے کہ مذکورہ فنکاروں کی جانب سے بے کار اور فالتو اشیاء سے سیکڑوں دیگر آرائشی چیزیں تیار کی جاچکی ہیں۔

فنکاروں کی اس کاوش پر مصری حکومت اور دیکھنے والوں کی جانب سے آرٹسٹوں کو خوب پذیرائی مل رہی ہے۔

مصری فنکاروں کا کہنا ہے کہ بلی کے بعد لوہے کے اسکریپ سے قلوبطرہ کا پانچ میٹر بلند مجسمہ تیار کرنے کا ارادہ ہے۔

Comments

یہ بھی پڑھیں