موبائل و کمپیوٹر ٹیکنالوجی کی دنیا کی سب سے معتبر کمپنی کا اعزاز رکھنے والی ’ایپل‘کے خالق آنجہانی اسٹیو جابز کی سب سے چھوٹی بیٹی 23 سالہ ایو جابز نے اپنی ہی کمپنی کے موبائل فون کا مذاق اڑا دیا۔
ایپل کی جانب سے آئی فون 14 سیریز کو متعارف کرایا گیا جس کے بعد اس نئے فون کی آئی فون 13 سے مماثلت کو بنیاد بنا کر انٹرنیٹ صارفین کی جانب سے میمز کا میلا سج گیا۔
ایپل صارفین کی جانب سے آئی فون 14 کو آئی فون 13 جیسا قرار دے کر کافی میمز بنائی جا رہی ہیں، میمز کی اس بھرمار میں ایپل کے سابق سی ای او اسٹیو جابز کی چھوٹی بیٹی ایو جابز جو ایک ممتاز ماڈل گرل بھی ہیں بھی پیچھے نہ رہیں۔
سوشل میڈیا پر بننے والی میمز خوب وائرل ہورہی ہیں میمز کے اس طوفان میں ایو جابز بھی شامل ہیں جن کی پوسٹ وائرل ہوگئی۔
ایو جابز نے اپنے انسٹاگرام پر آئی فون 14 کے نئے فون کا مذاق اڑاتے ہوئے ایک مزاحیہ میم شیئر کی، جس میں ایک موٹا سا آدمی اپنی نئی شرٹ دکھا رہا ہے لیکن یہ شرٹ بھی بلکل ویسی ہی ہے جیسی شرٹ اس نے پہلے ہی پہنی ہوئی ہے۔
انہوں نے اپنی انسٹاگرام کی پوسٹ پر شیئر کی گئی اس میم پر کیپشن لکھا کہ آج ایپل کی جانب سے آئی فون 14کے لانچنگ کے اعلان کے بعد اپنا میں اپنا آئی فون 13 اپ گریڈ کرتے ہوئےـ
انٹرنیٹ پر ایو جابز کی جانب سے پوسٹ شیئر کرنے کے بعد لوگوں نے دھڑادھڑ ان کی پوسٹ ری شئیر کرنا شروع کردی اور اس طرح یہ تصویر وائرل ہوگئی۔
