امریکی مشیر برائے مشرق وسطیٰ اسٹیو وٹکوف نے کہا کہ جلد ایسے ممالک اسرائیل کو تسلیم کریں گے جن کا تصور بھی نہیں کیا جا سکتا۔
امریکی مشیر برائے مشرق وسطیٰ اسٹیو وٹکوف نے سی این بی سی کو انٹرویو کو کہا کہ صدر ٹرمپ کی کوشش ہے کہ ابراہم معاہدے کو وسعت دی جائے۔
انہوں نے کہا کہ اُمید ہے جلد ایسے ممالک اسرائیل کو تسلیم کر لیں گے جن کے بارے میں کسی نے تصور بھی نہیں کیا تھا، یہ عمل مشرق وسطیٰ میں توازن لائے گا۔
ایران اسرائیل کشیدگی سے متعلق تمام خبریں
واضح رہے کہ ڈونلڈ ٹرمپ کے پہلے دور صدارت میں امریکا کی جانب سے سفارتی اقدامات کے ذریعے 2020 میں متحدہ عرب امارات، بحرین، سوڈان اور مراکش کے اسرائیل کے ساتھ سفارتی تعلقات قائم ہوئے تھے۔
یاد رہے کہ ڈونلڈ ٹرمپ کی حکومت میں اسرائیل کے امارات، بحرین، مراکش اور سوڈان کے ساتھ تعلقات معمول پر لانے کے لیے ’ابراہم معاہدہ‘ ہوا تھا۔
امریکی مشیر کا یہ بیان ایران اور اسرائیل کے درمیان 12 روزہ جنگ کے بعد سامنے آیا ہے، اس حملے میں اسرائیل اور موساد نے ایران کے جوہری تنصیبات کو تباہ کرنے کا دعویٰ کیا ہے، جنگ بندی سے قبل امریکا نے بھی اسرائیل کا ساتھ دیتے ہوئے ایران پر حملے میں حصہ لیا اور نتنز اور اصفہان میں جوہری مقامات پر حملہ کیا۔
