سڈنی: آسٹریلیا اور بھارت کے درمیان جاری دوسرے ون ڈے انٹرنیشنل میچ میں بیٹسمین اسٹیون اسمتھ کے آگے بھارتی بولر بے بس ہو گئے۔
تفصیلات کے مطابق آج بھارت کے خلاف دوسرے ون ڈے میچ میں بھی آسٹریلوی بلے باز اسٹیون اسمتھ نے پے در پے دوسری سینچری جُڑ دی ہے۔
آسٹریلوی بیٹسمین نے شان دار بلے بازی کا مظاہرہ کرتے ہوئے 62 گیندوں پر 100 کا ہندسہ عبور کیا۔ 27 نومبر کو پہلے میچ میں بھی انھوں نے 66 گیندوں پر 4 چھکوں اور 11 چوکوں کی مدد سے 105 رنز بنائے تھے۔
Wow! Our top five all scored 50+, with Smith getting a ton!
Great batting lads!
Check out the scorecard here: cricketa.us/AUSvIND20-2
Posted by Australian Men’s Cricket Team on Saturday, November 28, 2020
31 سالہ مڈل آرڈر بلے باز نے آج 64 گیندوں کا سامنا کیا اور 104 رنز بنائے، ان کی اننگز میں 2 چھکے اور 14 چوکے شامل تھے، وہ پانڈیا کی گیند پر محمد شامی کے ہاتھوں کیچ آؤٹ ہوئے۔
آئی پی ایل کے شیر آسٹریلیا میں ڈھیر، بھارت کوعبرتناک شکست
واضح رہے کہ آج آسٹریلیا میں سڈنی کرکٹ گراؤنڈ میں بھارت اور میزبان ٹیم کے درمیان 3 ون ڈے میچز کی سیریز کا دوسرا میچ جاری ہے، آسٹریلیا نے پہلے بیٹنگ کرتے ہوئے بھارت کو ایک بار پھر پہاڑ جیسا ہدف دیتے ہوئے 4 وکٹوں پر 389 کا اسکور بنا لیا ہے۔
Warner 8⃣3⃣
Finch 6⃣0⃣
Smith 1⃣0⃣4⃣
Labuschagne 7⃣0⃣
Maxwell 6⃣3⃣*This is only the second time when the top 5 of a batting line-up have scored fifty-plus runs in ODI history 💥
Can you recall the first instance?#AUSvIND pic.twitter.com/WxINdmpVgn
— ICC (@ICC) November 29, 2020
آج آسٹریلوی اننگ کی خاص بات یہ تھی کہ 5 کھلاڑیوں نے پچاس کا ہندسہ عبور کیا، ڈیوڈ وارنر نے 83 رنز کی اننگ کھیلی، آرن فنچ نے 60 رنز بنائے، اسٹیون اسمتھ 104 رنز پر آؤٹ ہوئے، مارنس لبوشین نے 70 رنز بنائے جب کہ گلین میکسوئل نے 63 رنز کی اننگ کھیلی۔
آسٹریلیا کی ٹیم نے پہلے ون ڈے میں بھارت کو 66 رنز سے عبرت ناک شکست دی تھی، 6 وکٹوں پر 374 رنز کے ہدف کے تعاقب میں انڈیا ٹیم صرف 308 رنز بنا سکی تھی، آسٹریلیا کے بلے باز اسٹیون اسمتھ کو 105 رنز بنانے پر مین آف دی میچ کے اعزاز سے نوازا گیا۔
