The news is by your side.

Advertisement

’’آپ رنز ایسے بناتے ہیں جیسے مذاق ہو‘‘

جوہانسبرگ: جنوبی افریقہ کے لیگ اسپنر تبریز شمسی نے قومی ٹیم کے وکٹ کیپر بیٹسمین محمد رضوان کی بیٹنگ کی تعریف کرتے ہوئے انہیں مشورہ بھی دے دیا۔

تفصیلات کے مطابق جنوبی افریقی اسپنر تبریز شمسی نے سماجی رابطے کی ویب سائٹ ٹویٹر پر محمد رضوان کی تعریف کرتے ہوئے انہیں مشورہ دیا کہ بھائی کسی اور کو بھی موقع دے دیں۔

تبریز شمسی نے مزید لکھا کہ ’آپ رنز ایسے بناتے ہیں جیسے مذاق ہو۔‘

واضح رہے کہ وکٹ کیپر بیٹسمین محمد رضوان نے زمبابوے کے خلاف پہلے ٹی ٹوینٹی میچ میں 61 گیندوں پر 82 رنز کی ناقابل شکست اننگز کھیلی تھی، انہیں میچ کا بہترین کھلاڑی قرار دیا گیا تھا۔

پہلے ٹی ٹوینٹی میچ میں پاکستان نے زمبابوے کو 11 رنز سے شکست دی تھی، پاکستان نے پہلے بیٹنگ کرتے ہوئے مقررہ اوورز میں 7 وکٹوں کے نقصان پر 149 رنز بنائے تھے جواب میں زمبابوین ٹیم 7 وکٹوں کے نقصان پر 138 رنز بناسکی تھی۔

یاد رہے کہ محمد رضوان 9 ٹی ٹوینٹی اننگز میں 103 کی اوسط سے 515 رنز اسکور کیے ہیں وہ ٹی ٹوینٹی رینکنگ میں کیریئر بیسٹ 15ویں پوزیشن پر آگئے ہیں۔

Comments

یہ بھی پڑھیں