اسٹاک مارکیٹ میں ہیراپھیری میں ملوث افراد کیخلاف فوجداری مقدمات درج کر لیے گئے۔
سکیورٹیز اینڈ ایکس چینج کمیشن آف پاکستان (ایس ای سی پی) کی جانب سے فوجداری مقدمات درج کرائے گئے ہیں۔ ملوث افراد میں اسپانسرز اور بروکریج ہاؤس مینجمنٹ کے لوگ شامل ہیں۔
تحقیقات میں ثابت ہوا نامزد ملزمان نے 3 لسٹڈ کمپنیوں کےحصص میں ہیراپھیری کی ہے۔ تحقیقات سے یہ بھی ثابت ہوا ان افراد نے حصص کی قیمتیں بڑھا کر ٹریڈنگ کے آرڈرز لگائے۔
ایس ای سی پی کے مطابق ملزمان ایک دوسرےکے ساتھ ہی حصص کی خریدوفروخت کرتے رہے۔ ملوث افرادنے حصص کی خریداری کے جعلی آرڈرز کا بھی اندراج کرایا۔
ملوث افراد حصص کی خریداری کا آرڈر لگاتے اور منسوخ کر دیتے ملزمان نے صارفین کےاکاؤنٹس کاغلط استعمال بھی کیا۔ سیکورٹیز ایکٹ کے تحت مارکیٹ میں ہیراپھیری پر 3 سال تک قیدکی سزا ہے۔
