نیویارک : امریکی صدر ٹرمپ کا بیان امریکی اور ایشیئن اسٹاک مارکیٹوں کو لے ڈوبا، ایس اینڈ پی اور نسدق کا انڈیکس میں سال کا بدترین دن رہا۔
تفصیلات کے مطابق امریکی صدر ڈونلڈ ٹرمپ کے بیان کے بعد امریکی اور ایشین اسٹاک مارکیٹوں میں شدید مندی دیکھی گئی۔
ڈاؤ جونز اور ایس اینڈ پی میں دو، دو فیصد سے زائد جبکہ نسدق انڈیکس میں چار فیصد کمی ریکارڈ کی گئی۔
ایشین مارکیٹ میں جاپانی انڈیکس نکئی اور تائیوان انڈیکس تائی ایکس تین تین فیصد گر گیا، جس سے ایس اینڈ پی اور نسدق کا انڈیکس میں سال کا بدترین دن رہا۔
نسدق کمپوزٹ انڈیکس میں ستمبر 2022 کے بعد سب سے بڑی کمی ریکارڈ کی گئی۔
امریکی میڈیا کا کہنا ہے ٹیرف کے اثرات کے بارے میں تشویش کے باعث بڑے پیمانے پر حصص فروخت کیے گئے، اتوار کو امریکی صدر ڈونلڈ ٹرمپ نے کہا تھا امریکی معیشت منتقلی کا دور دیکھے گی۔
امریکی صدر کا کہنا تھا کہ یہ ٹرانزیشن کا دور ہے کیونکہ ہم جو کچھ کر رہے ہیں یہ بہت بڑا کام ہے۔
