ممبئی : بھارت میں ایک ایسا شخص سامنے آیا ہے جو گزشتہ تیس سال سے پتھر کھا کر گزارا کررہا ہے، ڈاکٹروں نے اس کے پیٹ سے بھاری تعداد میں پتھر برآمد کرلیے۔
بھارتی ریاست مہاراشٹر کے ایک گاؤں ادرکی خورد میں چونکا دینے والا واقعہ سامنے آیا ہے، سوشل میڈیا پر جس کی ویڈیو کافی وائرل ہو رہی ہے۔
برسوں سے یہاں قیام پذیر ایک بزرگ کے حوالے سے دعویٰ کیا جاتا ہے کہ وہ ہر روز پتھر کھاتے ہیں، اس بزرگ کا نام دادا رام داس بوڈکے بتایا جاتا ہے جن کی عمر 80 سال ہے اور یہ بابا روزانہ تقریبا ڈھائی سو گرام پتھر کھا جاتے ہیں۔
یہ ضعیف العمر شخص پورے ضلع میں اس لئے جانے جاتے ہیں کیونکہ وہ پچھلے30سالوں سے صرف پتھر کھا کر ہی زندہ ہیں، بزرگ کو گاؤں والے ‘پتھر والے بابا’ کے نام سے بھی پکارتے ہیں۔
یہ بات اس وقت سب کے سامنے عیاں ہوئی جب ان کو پیٹ میں درد ہونے کی شکایت پر گذشتہ ہفتے اسپتال میں داخل کرایا گیا۔ سی ٹی اسکین کے بعد پتہ چلا کہ ان کے پیٹ میں پتھر وں کا انبار موجود ہے۔
پتھر کھانا کس طرح شروع کیا؟
بھارتی میڈیا کے مطابق دادا رام بھاؤ بوڈکے ممبئی میں کام کرتے تھے۔1989 میں انہوں نے ممبئی سے کام چھوڑ دیا اور وہ ستارا آگئے۔ رام داس کا کہنا ہے کہ سال1973میں ان کے پیٹ میں درد شروع ہوا جس کا کئی دن تک علاج چلتا رہا لیکن ان کوآرام نہیں ملا۔
انہوں نے بتایا کہ اس وقت گاؤں میں ہی رہنے والی ایک بزرگ خاتون نے انہیں پتھر کھانے کا ایک خاص طریقہ بتایا تھا جس کے بعد انہوں نے باقاعدہ پتھر کھانا شروع کر دیے۔
رام داس کے مطابق پتھر کھانے سے درد سے آرام بھی مل گیا لیکن وقت کے ساتھ ساتھ پتھر کھانے کی عادت پڑ گئی۔ اس بات کو اب تک30 سال کا عرصہ گزر گیا وہ ہر روز پتھر کے ٹکڑے کھا رہا ہوں۔
ان کا کہنا ہے کہ یہ تقریبا ناممکن سی بات ہے کہ کوئی شخص روزانہ ڈھائی سوگرام سے زیادہ پتھر کھا کر زندہ رہ سکے۔ رام داس کی حالت فی الحال بہتر بتائی جاتی ہے اور ڈاکٹر ان کے پتھر کھانے کے راز کو جاننے کی کوشش کر رہے ہیں۔
