برطانیہ سے طوفان ”ایشا“ کے ٹکرانے کے بعد خطرے کے پیش نظر ایمبرو وارننگ جاری کردی گئی ہے۔
غیر ملکی ذرائع ابلاغ کے مطابق محکمہ موسمیات کا اس حوالے سے کہنا ہے کہ اتوار کی شام سے پیر کی صبح تک ایمبرو وارننگ جاری کی گئی ہے۔
میڈیا رپورٹ میں بتایا گیا ہے کہ تیز ہواؤں کے باعث ڈبلن ایئرپورٹ پر 102 پروازوں کو منسوخ کردیا گیا ہے، جبکہ 27پروازوں کا رخ تبدیل کردیا گیا ہے۔
رپورٹ کے مطابق لندن کے ہیتھرو ایئرپورٹ پر تیز ہواؤں سے پروازوں کو لینڈنگ میں مشکلات پیش آئیں۔ بیلفاسٹ سے برطانیہ آنے والی تمام پروازیں منسوخ کر دی گئی ہیں۔
میڈیا رپورٹ کے مطابق ساؤتھ ایسٹرن کا کہنا ہے کہ ٹریک کی حالت دیکھ کر ٹرینیں چلانے کا فیصلہ کیا جائے گا۔ساؤتھ ایسٹرن نے پیر کی صبح لندن کیلئے 6 بجے سے پہلے کی ٹرینوں کو منسوخ کردیا تھا۔
بدلہ لینے کے ایرانی اعلان کے بعد امریکی اڈے پر حملہ
تیز ہواؤں کے سبب بجلی اور موبائل فون نیٹ ورک بھی متاثر ہونے کا خدشہ ہے۔
