راولپنڈی: پنجاب کے جڑواں شہروں میں گزشتہ 5 روز سے چلنے والی تیز طوفانی ہواؤں کے منفی اثرات ظاہر ہونے لگے ہیں۔
تفصیلات کے مطابق تیز طوفانی ہواؤں سے راولپنڈی اور اسلام آباد میں شہریوں کی صحت پر منفی اثرات نمودار ہونے لگے، پانچ دن قبل جڑواں شہروں کو تیز خشک طوفانی ہواؤں نے لپیٹ میں لیا تھا۔
طبی ماہرین کا کہنا ہے کہ طوفانی ہواؤں کے باعث لوگوں میں گلے کی سوزش، ناک سے خون، خشک جلد اور تیز بخار کی علامات ظاہر ہونے لگی ہیں۔
رپورٹس کے مطابق ان علامات میں مبتلا متاثرہ شہری مختلف اسپتالوں اور نجی کلینکس پہنچنے لگے ہیں۔
دوسری طرف طبی ماہرین نے ہدایت کی ہے کہ ہواؤں میں نمی نہ ہونے سے شہری بیمار ہو رہے ہیں اس لیے زیادہ سے زیادہ پانی پیئیں۔
