امریکا کی فضا میں بلی نما پرندے کی پرواز نے سوشل میڈیا صارفین کو ورطہ حیرت میں ڈال دیا لیکن بعد میں حقیقت جان کر سر پکڑ کر بیٹھ گئے۔
امریکی ریاست ہاوائی کے ‘ہالی کالا نیشنل پارک ہیڈکوارٹر’ میں جو مناظر دیکھے گئے وہ کسی اڑتی بلی کے نہیں بلکہ قاز نامی پرندے کے ہیں جنہیں انگریزی میں ہاوائن گوس یا نی نی بھی کہا جاتا ہے۔
جانوروں اور پرندوں سے متعلق قائم دی ڈوڈو نامی ادارے کی جانب سے اس انداز میں قاز کی تصویر لی گئی کہ جسے دیکھ کر ایسا گمان ہوتا ہے گویا کوئی بلی اڑ رہی ہے لیکن حقیقت اس کے برعکس ہے۔ پرندے کی تصویر سوشل میڈیا پر وائرل ہوگئی اور صارفین سچائی جان کر دم بخود رہ گئے۔
ادارہ چلانے والے بوب وائٹ نے نیشنل پارک کے دورے کے دوران قاز کو اڑتے ہوئے دیکھا اور عکس بندی کی ٹھان لی لیکن اس وقت تک پرندہ پرواز کرتا ہوا آگے بڑھ چکا تھا، اس کے باوجود انہوں نے تصویر کھیچنی۔
جلد بازی میں تصویر لینے کے بعد مناظر ایسے لگے جسے کوئی بلی ہے لیکن حیران کن طور پر جہاں بلی کا چہرہ نمایاں ہورہا ہے وہ دراصل قاز کی دم ہے جس کا رنگ اور روپ ایسا ہے گویا کوئی بلی ہو۔