بالی ووڈ کے معروف اداکار راجکمار راؤ اور شردھا کپور کی ہورر کامیڈی فلم استری 2 نے ڈومیسٹک باکس آفس پر ریکارڈ ساز بزنس کے بعد نمبر 1 ہندی فلم بن گئی۔
بھارتی میڈیا رپورٹ کے مطابق بالی ووڈ فلم استری 2 نے شاہ رخ خان کی جوان اور رنبیر کپور کی گزشتہ برس کی فلم اینیمل کو باکس آفس ریس میں پیچھے چھوڑتے ہوئے 600 کروڑ بھارتی روپے کا بزنس کرلیا۔
استری 2 کی پروڈکشن کمپنی نے اس بات کی تصدیق کی ہے کہ یہ فلم بھارت میں ’نمبر ون ہندی فلم‘ بن گئی ہے، میڈاک فلمز کی جانب سے ایک پوسٹر شیئر کیا گیا جس میں ایک نوٹ بھی لکھا ہے۔
View this post on Instagram
میڈاک فلمز پروڈکشن کمپنی نے لکھا کہ استری 2 نے بالی ووڈ کے سپر اسٹار شاہ رخ خان کی فلم جوان (صرف ہندی زبان میں) کے لائف ٹائم کلیکشن کو پیچھے چھوڑ دیا ہے۔
فلم کمپنی نے لکھا کہ ’وہ استری ہے اور اس نے آخر کر دیکھایا، استری 2 بھارت کی نمبر 1 ہندی فلم بن گئی، اس تاریخ کو بنانے کے لیے آپ سب فینز کا شکریہ، تھیٹر آؤ کچھ اور نیا ریکارڈ بناتے ہیں‘۔
دوسری جانب بھارتی فلم باکس آفس کے تجزیہ کار ترن آدرش کے مطابق شردھا کپور اور راج کمار راؤ کی استری 2 نے ڈومیسٹک باکس آفس کلیکشن پر لائف ٹائم آمدنی کو عبور کرلیا۔
واضح رہے کہ اس فلم کی کاسٹ میں اداکار راج کمار راؤ، اداکارہ شردھا کپور، اپرشکتی کھرانہ، ابھیشک بینرجی اور پنکج تریپاٹھی شامل ہیں۔
یاد رہے کہ ڈراؤنی اور مزاح پر مبنی یہ فلم ہدیتکار امر کوشیک کی 2018 کی استری کا سیکوئیل ہے جبکہ اسکے مصنف نیرین بھٹ ہیں۔
