ممبئی: بالی ووڈ کی معروف اداکارہ شردھا کپور اور اداکار راج کمار راؤ کی نئی ہارر کامیڈی فلم ’استری 2 ‘ میں 7 فٹ کا ڈراؤنا بھوت ’سرکٹے‘ کا کردار ادا کرنے والے کی تصاویر سامنے آگئی۔
15 اگست کو ریلیز ہونے والی اداکارہ شردھا کپور اور اداکار راج کمار راؤ کی نئی ہارر کامیڈی فلم ’استری 2‘ نے باکس آفس پر اب تک ریکارڈ توڑ بزنس کیا ہے، فلم اب تک 300 کروڑ سے زائد کما چکی ہے۔
امر کوشک کی ہدایت کاری میں بننے والی فلم میں شردھا کپور اور راج کمار راؤ کے علاوہ پنکج ترپاٹھی، اپارشکتی کھرانہ اور ابھیشیک بنرجی نے اپنی اداکاری کے جوہر دکھائے، اس فلم میں نہ صرف انسان بلکہ بھوت کا کردار بھی اہم تھا۔
پوری فلم بھوت کے گرد گھومتی ہے، جو کہ سر کے بغیر 7 فٹ کا ڈراؤنا سر کٹا ہے جس کا خوف چندری پر چھایا ہوا تھا، اگر آپ سوچ رہے ہیں کہ جو لمبا آدمی اسکرین پر نظر آرہا ہے وہ کسی سوفٹ وئیر کا کمال ہے تو آپ غلط ہیں۔
بھارتی میڈیا کے مطابق سرکٹا حقیقی زندگی میں ’سنیل کمار‘ نام کا 7 فٹ 6 انچ لمبا آدمی ہے، اسے ’جموں کا عظیم خلی‘ کہا جاتا ہے، جہاں وہ ایک پولیس کانسٹیبل کے طور پر کام کرتا ہے۔
کاسٹنگ کے بارے میں بات کرتے ہوئے ڈائریکٹر امر کوشک نے بتایا ’ سنیل کمار کو کاسٹنگ ٹیم نے تلاش کیا تھا، اس کردار کے لیے ہمیں اتنا قد والا آدمی چاہیے تھا، سر کٹے کا سر ’ سی جی آئی‘ سافٹ وئیر کے ذریعے تیار کیا گیا تھا لیکن اس کی باڈی اپنی تھی۔
View this post on Instagram
دوسری جانب اسٹری 2 کی شوٹنگ کے دوران سنیل کمار نے راج کمار راؤ، پنکج ترپاتھی، اور اداکار تمنا بھاٹیہ کے ساتھ اپنی تصاویر شیئر کیں ہیں۔
View this post on Instagram
View this post on Instagram
