کراچی : رواں سال کے دوسرے مہینے فروری میں اسٹریٹ کرائم کی تقریباً 7ہزار واردتیں رپورٹ ہوئی ہیں جبکہ ٹارگٹ کلنگ کے تین واقعات پیش آئے۔
تفصیلات کے مطابق ماہ فروری میں موبائل فون چھینے کی دو ہزار 255واردتیں جبکہ موٹرسائیکل چوری ہونے کی چار ہزار 54 واردتیں رپورٹ ہوئی ہیں۔
کراچی : اسلحہ کے زور پر 326موٹرسائیکلیں چھینی گئیں، ماہ فروری میں کار چوری کی 163 وارداتیں شہریوں نے رپورٹ کیں، اسلحہ کے زور پر 15شہریوں کو کاروں سے محرم کردیا گیا۔
اس کے علاوہ رواں سال اب تک میں ڈاکوؤں نے 24 شہریوں کو موت کے گھاٹ اتار دیا، گزشتہ ماہ ٹارگٹ کلنگ کے تین واقعات ہوئے، ڈکیتی کے دوران25سے زائد شہریوں کو زخمی کیا گیا۔
مزید پڑھیں : رینجرز اور پولیس کے مقابلے میں ڈاکو مارا گیا
واضح رہے کہ اورنگی ٹاؤن نمبر پانچ نشان حیدر چوک کے قریب ملزمان نے واردات کی اور کوکنگ آئل ایجنسی کے مالک سے17 لاکھ 95 ہزار روپے چھین لیے، بعد ازاں رینجرز اور پولیس سےمقابلے میں ایک ملزم ہلاک جبکہ دوسرے ملزم کو زخمی حالت میں گرفتار کرلیا گیا۔
