ممبئی: بھارت میں منعقد ہونے والے فیشن شو میں کتے کی اچانک آمد نے لوگوں کی توجہ اپنی جانب مبذول کروالی۔
بھارتی خبررساں ادارے کی رپورٹ کے مطابق ممبئی میں منعقد ہونے والے فیشن شو میں اچانک آوارہ کتے کی ڈرامائی آمد ہوئی جس کے بعد وہاں بیٹھے شرکا نے ماڈلز کے بجائے اُسے ہی دیکھنا شروع کردیا۔
رپورٹ کے مطابق روہت بال کے فیشن شو میں بالی ووڈ کے نامور اداکار سدھارتھ ملہوترا اور نامور ماڈل ڈیانا پینٹی نے بھی ریمپ پر جلوے بکھیرے، فیشن شو کا آغاز ہوا ہی تھا کہ کتا اسٹیج پر پہنچ گیا۔
ویڈیو میں دیکھا جاسکتا ہے کہ کتا اسٹیج پر کھڑی ماڈلز کے ارد گرد گرد گھومتا رہا اور اُس نے کسی کو نقصان نہیں پہنچایا البتہ وہ کھانے کے لیے کچھ تلاش کررہا تھا۔
یہ ویڈیو بھی دیکھیں: ماڈل کی ریمپ پر واک کے وقت بلی کی آمد، ویڈیو وائرل
ریمپ پر اچانک آوارہ کتے کی آمد پر ماڈلز نہ صرف حیران ہوئیں بلکہ وہ سہم بھی گئیں تھیں، ویڈیو میں دیکھا جاسکتا ہے کہ ماڈلز کا ایک گروپ مرکزی اسٹیج پر پہنچا تو کتا آگیا اور جب وہ واک ختم کر کے دوبارہ اسٹیج پر پہنچے تب بھی وہ نہیں بھاگا۔
https://www.facebook.com/NewsVideoz/videos/1037354516466360/
کتے نے ایک ماڈل کو پکڑنے کی بھی کوشش کی جس پر منتظمین نے اُسے پیچھے ہٹایا مگر وہ ماڈل کے پیچھے چلتابنا۔
سوشل میڈیا پر ویڈیو وائرل ہوئی تو صارفین نے ماڈلز کی ہمت کا سراہا اور خوشگوار حیرت کا بھی اظہار کیا۔
