دنیا میں تقریباً ہر انسان کسی نہ کسی پریشانی یا ذہنی دباؤ کا شکار ہوتا ہے جس کی بے شمار وجوہات ہوتی ہیں، اسے انگریزی میں اسٹریس یا ڈپریشن بھی کہا جاتا ہے۔
درحقیقت روزمرہ کی زندگی میں ہماری چھوٹی چھوٹی چیزیں یا انتخاب بھی ہمارے مزاج پر اندازوں سے زیادہ اثرات مرتب کرسکتے ہیں اس سے چھٹکارا بہت آسان اور ممکن ہے۔
اے آر وائی ڈیجیٹل کے پروگرام گڈ مارننگ پاکستان میں معروف ہربلسٹ ڈاکٹر عیسیٰ نے اضطراب، ذہنی دباؤ اور تناؤ کی کیفیت سے محفوظ رہنے کیلئے ایک نہایت آسان اور کم قیمت نسخہ بتایا جسے پی کر آپ اپنے اندر سکون اور اطمینان محسوس کریں گے۔
انہوں نے کہا کہ آدھی پیالی دودھ میں ایک چمچ کھوپرے کا تیل (ورجن کوکونٹ آئل) اور ایک چٹکی زعفران ملا کر پی جائیں، 5سے دس منٹ کے اندر آپ خود کو تمام اقسام کی الجھنوں سے دور محسوس کریں گے کہ جیسے کچھ تھا ہی نہیں۔
کھوپرے کی تیل کی مزید افادیت بتاتے ہوئے ڈاکٹر عیسیٰ نے کہا کہ اگر آپ کی طبیعت بوجھل ہورہی ہے اور قے کی کیفیت ہے تو کھوپرے کے ایک کپ پانی کے اندر ایک چمچ اورنج جوس، شہد، لیموں اور ایک چٹکی نمک ڈال کر پی لیں الٹی آنا بند ہوجائے گی۔
