آرمی چیف جنرل قمر جاوید باجوہ نے میدان میں حقیقت پسندانہ اور سخت تربیت پر زور دیتے ہوئے کہا ہے کہ میدان جنگ میں سخت اورحقیقی معنوں میں تربیت ضروری ہے۔
آئی ایس پی آر کے مطابق آرمی چیف جنرل قمر جاوید باجوہ نے سیالکوٹ چونڈا کے قریب چنوکی کے دورے پر پہنچے تو کورکمانڈر گوجرانوالہ لیفٹیننٹ جنرل محمدعامر نے استقبال کیا۔
آرمی چیف نےگوجرانوالہ کور کی وکٹری شیلڈ مشقوں کامشاہدہ کیا اور مشقوں سےمتعلق پلاننگ اور آپریشنل تیاریوں پر بریفنگ لی۔ آرمی چیف کومشقوں میں دفاعی اورجارحانہ پہلوؤں پربھی بریفنگ دی گئی۔
پاک فوج کے سپہ سالار نے تربیتی معیار اور پیشہ ورانہ قابلیت پر اطمینان کا اظہار کرتے ہوئے میدان میں حقیقت پسندانہ اور سخت تربیت پر زور دیا۔
آرمی چیف نے کہا کہ مشقیں اعتماد و آہنگی بڑھانے اور جنگی صلاحیت بہتربنانےمیں مدد کرتی ہیں میدان جنگ میں سخت اورحقیقی معنوں میں تربیت ضروری ہے مشقوں سےجوانوں کی صلاحیتوں میں نکھار اور عزم بڑھتا ہے مشقیں جدیدرجحانات اورنظریات کےربط میں کردار ادا کرتی ہیں۔
