لاہور : محکمہ خوراک نے پنجاب سے آٹے کی خیبرپختونخوا اور سندھ نقل وحمل پر سختی کا فیصلہ کرلیا۔

تفصیلات کے مطابق پنجاب سے آٹے کی خیبرپختونخوا اور سندھ نقل وحمل پر سختی کا فیصلہ کرلیا گیا۔

اس حوالے سے ذرائع محکمہ خوراک نے کہا ہے کہ صادق آباداورپشاورچیک پوسٹوں پرمزیدعملہ تعینات کردیا ہے، سامان کی آڑ میں بڑی مقدار میں آٹا جارہا ہے۔

ذرائع محکمہ خوراک پنجاب کا کہنا تھا کہ افغانستان بھی آٹااسمگل کیاجارہاہے، پنجاب میں گندم اورآٹاسستا جبکہ وہاں بہت مہنگا ہے ، اگر اسمگلنگ اورنقل وحمل نہ روکی تو پنجاب میں آٹا مزید مہنگا ہوجائے گا۔

ذرائع نے بتایا ہے کہ آٹےکی اسمگلنگ روکنےکیلیےفلورملزسےبھی ڈیٹامانگ لیا، جو تاجر یا فلورمل آٹا اسمگلنگ میں ملوث پائی گئی اس کے خلاف کارروائی ہوگی۔

محکمہ خوراک کے مطابق آٹا اسمگلنگ میں ملوث فلور ملز پر پابندی بھی عائد کر سکتے ہیں۔

Comments