پاکستان کرکٹ بورڈ اور کرکٹ شائقین نے قومی کپتان بابر اعظم کے خلاف منفی پروپیگنڈے پر مبنی خبروں پر سخت ردعمل کا اظہار کیا جس کے آسٹریلوی میڈیا نے وہ ٹویٹ ڈیلیٹ کردی۔
اے آر وائی نیوز کے مطابق سماجی رابطوں کی ویب سائٹ ٹوئٹر پر پاکستان کرکٹ ٹیم کے کپتان بابراعظم کی ایک لڑکی سے فون پر بات چیت کی ویڈیو کو بنیاد بناتے ہوئے آسٹریلین براڈ کاسٹر فوکس اسپورٹس نے اس پر نامناسب خبر دی جس پر پی سی بی فوری حرکت میں آگیا اور سخت ردعمل کا اظہار کیا جب کہ کرکٹ کے پرستاروں نے بھی آسٹریلوی میڈیا کی غیر ذمے دارانہ رپورٹنگ پر اسے کھری کھری سنا دی جس کے بعد اس متنازع ٹویٹ کو ڈیلیٹ کر دیا گیا ہے۔
پاکستان کرکٹ بورٖڈ نے آسٹریلین براڈ کاسٹر فوکس اسپورٹس کے اس غیر ذمے دارانہ طرز عمل پر اس کی ٹویٹ کو شیئر کرتے ہوئے کہا کہ بطور ہمارے میڈیا پارٹنر فوکس کو اس قسم کی خبروں سے گریز کرنا چاہیے تھا۔ اس خبرمیں کوئی صداقت نہیں۔ بابر اعظم نے بھی اس پر وضاحت دینا ضروری نہیں سمجھا۔
As our media partner, you might have considered ignoring such unsubstantiated personal allegations which Babar Azam has not deemed worthy of a response. https://t.co/QZFAxbd4QR
— Pakistan Cricket (@TheRealPCB) January 17, 2023
فوکس نیوز کے اس جھوٹی خبر پر مبنی ٹویٹ کے بعد پاکستانی کرکٹ شائقین اور بابر اعظم کے فینز بھی میدان میں آگئے اور ٹوئٹر پر ’’We stand with Babar Azam‘‘ کا ہیش ٹیگ ٹرینڈ کرنے لگا اور پرستاروں نے قومی کپتان کے حق میں ٹویٹس کی بھرمار کردی۔
ایک صارف تطہیر زہرہ نے بابراعظم کی تصویر کے ساتھ ایک ٹویٹ کیا جس میں لکھا کہ ’کپتان آپ ہمارا فخر ہو اور پوری قوم آپ کے ساتھ ہے۔‘
All nation is behind you skipper.
Our pride❤
Be brave this shall to pass #WeStandWithBabar pic.twitter.com/QNWMFOB4Rd— Tatheerzehra (@Tatheerzehra6) January 17, 2023
خالدہ نامی ٹوئٹر صارف نے بابراعظم کے ساتھ اپنی ایک تصویر شیئر کرتے ہوئے لکھا ’بابر بیٹا میں تمہارے ساتھ ہوں اور تمہارے ساتھ ملاقات میری کرکٹ کی یادداشتوں میں سے ایک زبردست یادداشت ہے۔‘
We are not sparing our heroes now …
Is there any limit to this moral decadence?
We Pakistanis make ourselves the laughingstock in the world by our own doings.@babarazam258 baeta I am with you, & meeting you was my most favourite cricketing memory. #WeStandWithBabar pic.twitter.com/pun9vOQkkD— Khalida (@KhalidaTasneem) January 16, 2023
حسنین اعظم نے اپنی ٹویٹ میں لکھا: ’اگر دنیا بابر کے خلاف ہے تو میں دنیا کے خلاف ہوں۔‘
IF THE WORLD IS AGAINST HIM, I’M AGAINST THE WORLD 🔥#WeStandWithBabar pic.twitter.com/Q0I5cT8Zib
— Hasnain Azam ☞︎︎︎Ak 47シ︎ (Tasmii Patlo😻🎂📌) (@Jutt__5911) January 17, 2023
بابر اعظم کے ایک مداح ابریش نے مبینہ ویڈیو شیئر کرتے ہوئے کہا کہ ’بہن اگلی بار ایڈیٹنگ سیکھ کر آنا۔ ہمیں اپنے کنگ پر ہمیشہ سے یقین تھا، ہے اور رہے گا۔‘
واضح رہے کہ فاکس کرکٹ نے اپنی پہلی خبر میں صرف الزامات کا لفظ لکھا تھا تاہم اب اسے ’جھوٹے الزام‘ کے ساتھ تبدیل کر دیا گیا ہے اور ٹویٹ بھی ڈیلیٹ کر دی گئی ہے۔
