نیویارک: دنیا بھر میں فلسطین کی حمایت میں مظاہرے جاری ہیں، غزہ میں اسرائیلی حملوں کے خلاف امریکا کے مختلف شہروں میں بھی شدید ردِ عمل سامنے آ رہا ہے۔
غیر ملکی میڈیا رپورٹس کے مطابق غزہ میں اسرائیلی فورسز کی جانب سے فلسطینیوں کی نسل کشی کے خلاف امریکا کے اندر شدید احتجاج جاری ہے، گزشتہ روز بھی نیویارک، شکاگو اور لاس اینجلس میں سخت احتجاج کیا گیا۔
نیویارک میں مظاہرین نے جے ایف کینیڈی ایئر پورٹ کے راستے بند کر کے احتجاج ریکارڈ کرایا، راستے بلاک ہونے سے مسافروں کو ایئر پورٹ پہنچنے میں دقت پیش آئی، کچھ مظایرین یونین اسٹیشن کے باہر جمع ہوئے اور فلسطین کی آزادی کے نعرے لگائے۔ تاہم پولیس نے مظاہرین کو گرفتار کر لیا۔
Palestine solidarity protesters demanding a Gaza ceasefire blocked access to one of the entrances to New York’s JFK International Airport during the busiest travel week of the year.
Later footage showed police arresting some of the demonstrators ⤵️ pic.twitter.com/GEQHcszg5b
— Al Jazeera English (@AJEnglish) December 27, 2023
شکاگو میں ٹرک ڈرائیورز نے فلسطینیوں سے اظہارِ یکجہتی کرتے ہوئے ریلی نکالی، سوئیڈن میں بھی سخت سردی اور برفباری کے باوجود مظاہرین فلسطینی جھنڈے تھامے اسرائیلی مظالم کے خلاف نعرے لگاتے رہے۔
انڈونیشیا میں ہزاروں افراد نے ٹُک ٹُک پر فلسطینی جھنڈے سجا لیے، ملائیشیا میں اسرائیلی مخلاف ریلی میں ملائیشیائی وزیرِ اعظم نے بھی شرکت کی، وزیرِ اعظم انور ابراہیم نے اسرائیل کو جنگی جرائم کا مرتکب قرار دیتے ہوئے کہا کہ اسرائیل غزہ میں بچوں کا قتلِ عام کر رہا ہے۔
