The news is by your side.

Advertisement

کراچی میں طوفانی ہوائیں ، دیواریں اور چھتیں گرنے کے واقعات ، 2 افراد جاں بحق ، کئی افراد زخمی

کراچی : شہر قائد میں گردآلود طوفانی ہواؤں کے باعث دیواریں گرنے اور چھتیں اڑنے کے واقعات میں 2 افراد جاں بحق جبکہ متعدد زخمی ہوگئے۔

تفصیلات کے مطابق کراچی میں گردآلود طوفانی ہواؤں کے جھکڑ چلنے لگے، تیز ہواؤں کے باعث نارتھ ناظم آباداورگلبائی میں دیوار گرنے کے واقعات میں دو افراد جاں بحق ہوگئے۔

کراچی کے علاقے اورنگی میں گھر کی دیوار گرگئی، جس سے چھ سالہ بچہ زخمی ہوا جبکہ نیوکراچی الیون بی میں زیرتعمیرعمارت کاحصہ گرگیا۔

اسی طرح کراچی کے علاقے بلدیہ مواچھ گوٹھ میں گھر کی چھت گرنے سے خاتون سمیت3افرادزخمی اور سپارکو روڈ پر بھی مکان کی چھت گرنے سے 2افراد زخمی ہوئے۔

گلشن اقبال میں تیز ہواؤں سے گھر کی چھتیں اڑگئیں جبکہ تیرہ ڈی میں درخت جڑ سے اکھڑ گیا۔

دوسری جانب محکمہ موسمیات نے تیز ہواؤں کا الرٹ جاری کردیا ہے ، جس میں کہا ہے کہ مغرب سے آنیوالی تیز ہوائیں30 ناٹیکل مائل رفتار سے چل رہی ہیں ، ہواؤں کی رفتار 35 ناٹیکل مائل تک بھی کبھی کبھی پہنچ رہی ہے۔

محکمہ موسمیات کا کہنا ہے کہ تیز ہواؤں کا سلسلہ رات گئے تک وقفے وقفے سے جاری رہنے کاامکان ہے ، تیزہواؤں کی وجہ سے پرانے درخت اور کمزور اسٹرکچرز کو نقصان پہنچ سکتا ہے۔

سردار سرفراز کا کہنا تھا کہ تیزہواؤں کے حوالے سے تین روزسے پیشگوئی کر رہےتھے، ہوا کا کم دباؤ ایسٹ بلوچستان،ساوتھ پنجاب اور اپر سندھ میں ہے۔

Comments

یہ بھی پڑھیں