site
stats
پاکستان

مضبوط وفاق صوبوں کی خود مختاری پر قدغن نہیں، رضا ربانی

اسلام آباد : چیئرمین سینیٹ رضاربانی نے کہا ہے کہ سینیٹ وفاق کی اکائیوں کی نمائندگی کرتاہے جب کہ صوبوں میں استحکام سے وفاق مضبوط ہوگا۔

چیئرمین سینیٹ رضاربانی سینیٹ کاپارلیمانی سال مکمل ہونے پر پارلیمنٹ ہاؤس میں منعقد کردہ ایک تقریب سے خطاب کر رہے تھے جس کا عنوان ’’وفاق کی مضبوطی کے لیےسینیٹ کےاختیارات میں اضافہ ‘‘ رکھا گیا تھا۔

تقریب سے خطاب کرتے ہوئے رضا ربانی کا کہنا تھا کہ وفاق کی مضبوطی کامطلب صوبوں کی خودمختاری پرقدغن لگانا ہرگز نہیں بلکہ سینیٹ کےاختیارات میں اضافےسےصوبےمضبوط ہوں گے۔

انہوں نے کہا کہ صوبوں اور اداروں کی مضبوطی مستحکم وفاق کی علامت ہے جس کے لیے سینیٹ کلیدی کردار ادا کرتے ہوئے وفاق کومضبوط کرتی ہے جب کہ قومی اسمبلی عوامی نمائندہ ہوتی ہے۔

چیئرمین سینیٹ رضاربانی نے کہا کہ آئین میں ہمیشہ اپنے باقاعدہ کردارکا مطالبہ کیا ہے جس کے لیے 18ویں آئینی ترمیم میں مشترکہ مفادات کونسل کا تصور دیا گیا جس کا بنیادی مقصد صوبوں کو بھرپور نمائندگی دینا تھا۔

انہوں نے کہا دھیرے دھیرے صحیح جمہوریت نے پٹری پر چلنا شروع کردیا ہے اور آہستہ آہستہ اس کی رفتار بھی تیز ہوجاتی جائے گی یہاں تک کہ ملک میں جمہوریت اپنی پوری رفتار اور درست سمت میں سفر طے کرنے لگئ گی جس کے لیے ہزاروں لوگوں نے قربانیاں دیں اور صعوبتیں برداشت کیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top