کراچی میں کالج سے گھر واپس لوٹنے والی طالبہ کو مبینہ طور پر اغوا کرلیا گیا، نوجوان لڑکی کے اغوا کا مقدمہ درج کرلیا گیا۔
طالبہ کے اغوا کا مقدمہ کراچی میں جوہر آباد تھانے میں درج کیا گیا ہے، مقدمہ مبینہ طور پر اغوا ہونے والی لڑکی کے بھائی کی مدعیت میں درج کیا گیا ہے، ایف آئی آر کے متن میں لڑکی کے بھائی نے بتایا کہ 19 مئی کو میری بہن نے کہا میرا پیپر ہے کالج چھوڑ دو۔
میڈیکل کالج کے گارڈن سے طالبہ اغوا
بہن نے مجھے وائس نوٹ کیا اور کہا کہ آج چھٹی ہے اور میں گھر آرہی ہوں، کچھ دیر بعد بہن کا وائس نوٹ آیا کہ مجھے کچھ افراد نے اغوا کرلیا ہے۔
مقدمے کے متن میں بھائی کی جانب سے مزید بتایا گیا کہ اغوا کا سن کر میں فوری طور پر یونیورسٹی سے نکلا اور بہن کو تلاش کیا لیکن نہ ملی۔
پولیس نے بتایا کہ مبینہ طور پر اغوا ہونے والی لڑکی کی تلاش جاری ہے، مغوی لڑکی کو جلد بازیاب کرا کے اہلخانہ کے حوالے کردیا جائے گا۔
