کراچی: آئی سی سی چیمپئنز ٹرافی میں اپنی شاندار کارکردگی کی بدولت دنیا بھر کی توجہ حاصل کرنے والے پاکستان کے ابھرتے ہوئے نوجوان کھلاڑی حسن علی کے جشن منانے کا انداز مقبول ہوتا جارہا ہے۔
تفصیلات کے مطابق پاکستان کے ابھرتے ہوئے کھلاڑی حسن علی بیٹسمین کو آؤٹ کرنے کے بعد انوکھے انداز میں جشن مناتے ہیں جسے دنیا بھر کے لوگ خصوصاً پاکستانی اپنانے کی کوشش کررہے ہیں۔
آئی سی سی نے سماجی رابطے کی ویب سائٹ پر ایک ویڈیو شیئر کی جس میں دیکھا جاسکتا ہے کہ ایک طالب علم اپنی گریجویشن کی ڈگری ملنے پر نوجوان کھلاڑی کی طرح جشن منا رہا ہے۔ مذکورہ طالب علم کی ویڈیو انٹرنیٹ پر تیزی سے وائرل ہوئی جس کے بعد آئی سی سی نے اُسے اپنے سماجی رابطے کے اکاؤنٹ سے ٹوئٹ کردیا۔
ویڈیو دیکھیں
Ever been so happy & proud to graduate that you’ve done a @RealHa55an celebration on stage before receiving your certificate? pic.twitter.com/pQaOuRZLWS
— ICC (@ICC) July 14, 2017
واضح رہے حسن علی نے چیمپئنر ٹرافی میں عمدہ کارکردگی کا مظاہرہ کیا اور خاص طور پر بھارت کے خلاف کھیلے جانے والے فائنل میچ میں انہوں نے تین بھارتی سورماؤں کو پویلین کی راہ دکھائی تھی۔
پڑھیں: حسن علی کا چیمپئنز ٹرافی میں نیا ریکارڈ
پاکستانی لیجنڈ کرکٹرز حسن علی کی ٹیم میں شمولیت کو پاکستان کی کرکٹ کے لیے اچھا شگون قرار دے رہے ہیں کیونکہ نوجوان کھلاڑی کا ٹیلنٹ پی ایس ایل کے دوسرے سیزن میں سامنے آیا اور مختصر عرصے میں وہ دنیا بھر کی توجہ حاصل کرنے میں کامیاب بھی ہوگئے۔
Graduating Hassan Ali Style
Hassan celebration fever catching everyone!! Maaza ayga https://t.co/oWVh84xOQv
— Hasan Ali (@RealHa55an) July 13, 2017
کرکٹر حسن علی نے ویڈیو دیکھ کر مسرت کا اظہار کیا اور ٹوئٹ میں کہا کہ ’’حسن علی کے جشن منانے کا طریقہ سب اختیار کررہے ہیں، طالب علم نے اسٹائل کاپی کیا جسے دیکھ کر مزہ آگیا‘‘۔
ایک اور ویڈیو دیکھیں
Just had this video brought to my attention!! It’s put a huge smile on my face who does it better#Fans #Celebration #PakistanZindabad pic.twitter.com/3Wu3PqyPSa
— Hasan Ali (@RealHa55an) July 12, 2017
علاوہ ازیں حسن علی نے ایک اور ویڈیو ٹوئٹ کی ہے جس میں ایک بچی فاسٹ باؤلر کے اسٹائل کو کاپی کرنے کی اچھی کوشش کررہی ہے۔