شیخوپورہ : بی ایڈ کا امتحان دینے کیلئے آنے والی طالبہ دل کا دورہ پڑنے سے انتقال کرگئی۔
تفصیلات کے مطابق شیخوپورہ میں بی ایڈ کا امتحان دینے کیلئے آنے والی طالبہ امتحانی سینٹر میں دل کا دورہ پڑنے سے انتقال کرگئی۔
ریسکیوحکام نے بتایا کہ طالبہ صلہ کنول پیربہارشاہ کالج سینٹرمیں امتحان دینےآئی تھی، متوفیہ کی لاش اے سی سٹی کی موجودگی میں لواحقین کو دے دی گئی۔
یاد رہے گذشتہ ماہ کے آخر میں فیصل آباد میں فون کال پر بات کرتے ہوئے طالبہ ہوسٹل کی چھت سے گرِ کر جاں بحق ہو گئی۔
پولیس کے مطابق واقعہ دھوبی گھاٹ میں واقع نجی ہوسٹل میں پیش آیا تھا، تاندلیانوالہ کی رہائشی 24 سالہ سنینہ گورنمنٹ اسلامیہ کالج میں زیرتعلیم تھی۔
پولیس کا کہنا تھا کہ مبینہ طور پر سنینہ فون کال سنتے ہوئے چوتھے فلور سے نیچےگری، واقعہ خود کشی یا قتل کے پہلوؤں پربھی تحقیقات کی جا رہی ہے۔
