کراچی: شہر قائد کے علاقے شاہ فیصل میں ایک نجی اسکول کا طالب علم پراسرار طور پر جاں بحق ہوگیا.
تفصیلات کے مطابق پراسرار طور پر جان بحق ہونے والے طالب علم کا نام محمد زونین تھا، جو تیسری جماعت کا طالب علم تھا.
اسکول انتظامیہ کے مطابق طالب علم کینٹین کی لائن میں کھڑا تھا کہ اچانک وہ گر کر بے ہوش ہوگیا.
بچے کے بے ہوش ہونے کی اطلاع نے سراسمیگی پھیلا دی. اسکول انتظامیہ کے مطابق اسے طبی امداد کے لیے اسپتال منتقل کیا گیا، مگر وہ جانبر نہ ہوسکا.
اسکول انتظامیہ کی جانب سے موقف اختیار کیا گیا کہ بچے کو مرگی کا دورہ پڑا تھا، البتہ اہل خانہ نے بچے کے ایسے کسی بھی مرض میں مبتلا ہونے کی تردید کر دی ہے.
مزید پڑھیں: کراچی، اسکول طالب علم نے چھت سے چھلانگ لگا کر خودکشی کی، ایس ایس پی
اسکول انتظامیہ کی جانب سے پوسٹ مارٹم کروانے کی تجویز دی گئی، جسے بچے کے اہل خانہ نے رد کر دیا، ان کا موقف تھا کہ بچے کو مزید تکلیف نہیں دینے چاہتے.
اسپتال انتظامیہ کی جانب سے موقف دینے سے انکار کر دیا گیا ہے.
یاد رہے کہ چند روز قبل کراچی ہی کے اسکول میں ایک طالب علم چھت سے گر کر اپنی زندگی سے ہاتھ دھو بیٹھا تھا۔ پولیس نے بچے کی موت کو خودکشی قرار دیا تھا۔
