موت سے کسی ذی روح کو فرار نہیں یہ مقررہ وقت اور مقام پر دبوچ لیتی ہے امتحان دیتی طالبہ بھی اچانک موت کا شکار ہو گئی۔
جس نے دنیا میں آنا ہے اس نے جانا بھی ہے اور موت سے کسی ذی روح کو فرار نہیں۔ موت کا ایک وقت مقرر ہے جب یہ آتا ہے تو سات پاتال کے اندر بھی جسم کو زندگی کی قید سے آزاد کر دیتا ہے۔
ایسا ہی ایک افسوسناک واقعہ بھارتی ریاست آندھرا پردیش میں ہوا جب انٹرمیڈیٹ کا امتحان دینے والی طالبہ اچانک موت کا شکار ہو گئی۔
بھارتی میڈیا کے مطابق ضلع کڑپہ کے ایک پرائیویٹ کالج میں انٹرمیڈیٹ سال دوم کا امتحان دینے والی طالبہ عائشہ ماہین شیخ دوران امتحان اچانک بے ہوش ہو کر گر پڑی۔
طالبہ کو فوری طور پر اسپتال پہنچایا گیا جہاں وہ دوران علاج چل بسی۔ عائشہ کی اچانک موت نے لڑکی کے اہلخانہ اور دوستوں کو سوگوار کر دیا جبکہ کالج کی فضا بھی سوگوار ہو گئی۔
