کوئٹہ : اسلامی گرلز کالج میں سیکنڈ ایئر کی طالبہ نورینہ شاہ نے علم فلکیات پر اپنے مطالعے اور تجزیے سے پوری دنیا کو حیران کردیا ہے،اقوام متحدہ کے سیکرٹری جنرل سمیت دنیا بھر کے ماہرین فلکیات نے پاکستانی طالبہ کے فن اور مہارت کو سراہا ہے۔
تفصیلات کے مطابق نورینہ شاہ کوئٹہ کے اسلامیہ گرلز کالج میں سیکنڈ ایئر کی طالبہ ہیں وہ فلکیات میں گہری دلچسپی رکھتی ہیں اورماہرین فلکیات کی کتابوں کا مطالعہ اس طالبہ کا واحد مشغلہ ہے،علم فلکیات کے مستقل مطالعے اور مشاہدے سے نورینہ نے اس مضبون میں حیرت انگیز مہارت حاصل کر لی ہے۔
نورینہ شاہ علم فلکیات کے حوالے سے اپنے خیالات،تجزیے اور مشاہدے کو سماجی رابطے کی ویب سائیٹ ٹیوٹر پر پیش کرتی رہتی تھی ،ان کی پوسٹوں نے بہت سے بین الاقوامی ماہرین کو اپنی طرف متوجہ کیا جن میں اقوامِ متحدہ کے سیکریٹری جنرل بان کی مون بھی شامل ہیں یوں کم سن طالبہ کی فلکیات میں مہارت کو بین الاقوامی طور پر سراہا جانے لگا۔
نورینی شاہ بلوقچستان کہ ایک پسنماندہ علاقے سے تعلق رکھتی ہیں جہاں عام طور پر خواتین کی تعلیم کو معیوب سمجھاجاتا ہے اور اسکول جانے والی طالبات شدت پسندوں کی جانب سے دھمکیوں اور خوف و ہراس کا سامنا رہتا ہے اس کے باوجود کم سن طالبہ کی علم محبت اُن کے والد کی مرہون منت ہے، نورینہ کے والد کوئٹہ کے سول اسپتال میں بہ طور اسٹور کیپر فراءض انجام دے رہے ہیں ،نورینہ کے والد نے کہا کہ میری بچی باصلاحیت ہے تاہم میں اس کے اعلیٰ تعلیم کے اخراجات اُٹھانے سے قاصر ہوں تا ہم اگر وسائل ہوں تو بچی کو اعلی تعلیم کے حصول کے لیے بیرون ملک بھیجوانے سے گریز نہیں کروں گا۔
نورینہ کے مطابق ان کے گھر والوں نے علم فلکیات سے دلچسپی پر روک ٹوک کے بجائے حوصلہ افرائی کی،تاہم نورینہ نے اس امر پر غم کا اظہار کیا کہ اسکول کی سطح پر علم فلکیات پر کوئی توجہ نہیں دی جاتی لہذا فلکیات پر ریسرچ کے لیے صرف انٹرنیٹ ہی ایک ذریعہ تھا،اگر سوشل میڈیا کے استعمال کرنا نہیں جاتی تو مجے بہت زیادہ مشکلات کا سامنا کرنا پڑتا۔
عالمی سطح پر نورینہ کو پذیرائی اس وقت حاصل ہوئی جب برطانیہ کے ایک رسالے (Eduzine Global) نے پہلی مرتبی اُن کا انٹرویو چھاپا یہ رسالہ کم وسائل رکھنے والے باصلاحیت نوجوانوں کے کاموں کی سراہتا اور اور عوام تک پہنچاتا ہے یہ رسالہ ایسے خصوصی نوجوان جو پیدائشی طور کسی معذوری کا شکار ہوتے ہیں کی صلاحیتوں سے بھی دنیا کو روشناس کراتا ہے۔
اپنی رویات کو برقرار رکھتے ہوئے میگزین نے نورینہ شاہ کی صلاحیتوں کو نہ صرف پوری دنیا میں روشناس کروایا بلکہ انہیں جنوبی ایشیا کی نوجوان سفیر کا اعزاز بخشا اور اپنی ویب سائیٹ پر طالبہ کو روشن ستارہ کے خطاب سے نوازا۔
نورینہ شاہ کی صلاحیتوں کا اعتراف اس سے قبل 2014 میں اسی میگزین کے (Global ACE Young Achiever Awards) میں دوسرے نمبر پر آئی تھیں اس کامیابی پر نہ صرف انہیں ایک سرٹیفیکیٹ اور ایک دور بین کا انعام دیا گیا تھا بلکہ میگزین میں ان کے متعلق ایک آرٹیکل بھی شائع کیا گیا تھا۔
