دنیا میں انسان کے دو ہاتھ اور دو پیر کے ساتھ پیدا ہوتا ہے لیکن ایک نایاب چار پیر والے نوجوان کی کامیاب سرجری کرکے اس کے دو پیر علیحدہ کر دیے گئے۔
دنیا میں عجیب الخلقت انسانوں کی پیدائش عام بات ہے۔ آپ نے بھی کبھی نہ کبھی تین ہاتھ یا تین پیروں والے بچوں کی پیدائش سنی ہوگی۔ بھارت میں 17 سال قبل ایک ایسے بچے کی پیدائش ہوئی تھی جس کے چار پاؤں تھے۔ اب اس نوجوان کا کامیاب آپریشن کر کے دو اضافی ٹانگیں جسم سے علیحدہ کر دی گئی ہیں۔
بھارتی میڈیا کے مطابق یہ عجیب الخلق نوجوان اتر پردیش کے ضلع بالیا سے تعلق رکھتا ہے جس کی پیدائشی چار ٹانگیں تھیں اور دو ٹانگیں پیٹ سے جڑی ہوئی تھیں اور اس کی وجہ سے اس کی نشوونما متاثر ہو رہی تھی۔
مذکورہ نوجوان کو نئی دہلی کے آل انڈیا انسٹی ٹیوٹ آف میڈیکل سائنسز میں لایا گیا جہاں ڈاکٹروں نے کامیاب سرجری کرکے اس کی اضافی ٹانگیں علیحدہ کر دیں۔
رپورٹ میں بتایا گیا ہے کہ یہ نوجوان اضافی ٹانگوں کی وجہ سے مشکلات کا شکار تھا اور آٹھویں جماعت کے بعد تعلیم چھوڑ دی تھی۔ معاشرے میں مذاق بننے کے باعث یہ ذہنی دباؤ کا بھی شکار ہو رہا تھا جب کہ یہ اضافی ٹانگیں اس کے دیگر جسمانی اعضا کو بھی نقصان پہنچا سکتی تھیں جس کے باعث ڈاکٹروں نے اس کی سرجری کرنے کا فیصلہ کیا۔
کامیاب سرجری کرنے والی ڈاکٹروں کی ٹیم میں شامل ڈاکٹر کرشنا نے بتایا کہ اس قسم کے کیسز جنہیں طبی زبان میں "نامکمل پیراسائٹک جڑواں” کہا جاتا ہے، ایک کروڑ افراد میں صرف ایک بار دیکھنے کو ملتے ہیں۔ ی
دنیا بھر میں اب تک صرف 42 ایسے کیسز رپورٹ ہوئے ہیں جن میں کسی انسان کے جسم میں چار ٹانگیں موجود ہوں۔
’’رات تک سب ٹھیک، صبح مُردے قبروں سے باہر تھے‘‘ قبرستان میں ایسا کیا ہوا؟
