مسلم لیگ (ن) کی سینئر نائب صدر مریم نواز کا جنیوا میں تین گھنٹے طویل گلے کا کامیاب آپریشن ہوگیا۔
وفاقی وزیر اطلاعات و نشریات مریم اورنگزیب نے اپنے ایک ٹوئٹ میں بتایا کہ الحمد للہ مریم نواز جنیوا میں گلے کے آپریشن کے بعد خیریت سے ہیں، ان کے گلے کا آپریشن تین گھنٹے جاری رہا۔
مریم اورنگزیب نے کہا کہ مریم نواز نے دعا اور نیک تمناؤں پر عوام اور کارکنان کا شکریہ ادا کیا ہے۔
متعلقہ: مریم نواز کو ن لیگ کا چیف آرگنائزر بنانے کی اہم وجہ سامنے آگئی
الحمداللہ، مسلم لیگ(ن) کی سینئر نائب صدر مریم نواز شریف جینیوا میں گلے کےآپریشن کے بعد خیریت سے ہیں الحمدللّٰہ ۔ آپریشن 3 گھنٹے جاری رہا۔ مریم نواز نے دعا اور نیک تمناؤں کے پیغامات بھیجنے والے عوام اور کارکنان کا شکریہ ادا کیاہے۔
— Marriyum Aurangzeb (@Marriyum_A) January 6, 2023
یاد رہے کہ مریم نواز سرجری کی غرص سے دو روز قبل سابق وزیر اعظم نواز شریف کے ہمراہ لندن سے جنیوا روانہ ہوئی تھیں۔
ذرائع نے بتایا تھا کہ نواز شریف اور مریم کے ہمراہ 2 افراد بھی جنیوا روانہ ہوئے، سابق وزیر اعظم کی جنیوا میں چند ذاتی ملاقاتیں بھی موقع ہیں۔
گزشتہ سال نومبر میں نواز شریف نے مریم نواز اور فیملی کے ہمراہ یورپ کا دورہ کیا تھا۔ ان کی اٹلی کے شہر میلان سے تصویر بھی سامنے آئی تھی۔