تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

وزیراعظم کا نوجوانوں سے متعلق حکومتی پالیسی مزید مؤثر بنانے کا فیصلہ

اسلام آباد: وزیراعظم عمران خان کا نوجوانوں سے متعلق حکومتی پالیسی مزیدمؤثربنانے کا فیصلہ سامنے آگیا، وزیراعظم نے کامیاب نوجوان پروگرام کے لیے 13رکنی اسٹیئرنگ کمیٹی قائم کردی۔

تفصیلات کے مطابق نوجوانوں کو بااختیار بنانے اور بہتر روزگار فراہم کرنے کے لیے وفاقی حکومت مزید اہم اقدامات کرنے لگی، وزیراعظم نے کامیاب نوجوان پروگرام کے لیے 13رکنی اسٹیئرنگ کمیٹی قائم کردی۔

وزیراعظم عمران خان خود بطورچیئرمین کمیٹی کے سربراہ ہوں گے، معاون خصوصی برائے یوتھ افیئرز عثمان ڈار سمیت وفاقی وزرا کمیٹی میں شامل ہیں۔ مشیرخزانہ حفیظ شیخ، مشیرتجارت رزاق داؤد اور وفاقی وزیرمنصوبہ بندی اسد عمر کمیٹی ممبران نامزد کیے گئے ہیں۔

وفاقی وزیرتعلیم، وزیراقتصادی امور اور آئی ٹی بورڈ کے سربراہ بھی کمیٹی کا حصہ ہوں گے، خصوصی کمیٹی کامیاب نوجوان پروگرام کے تحت شروع منصوبوں میں معاونت کرے گی، وزیراعظم نےکمیٹی کو اسٹریٹجی پلاننگ اور پروگرام کی مانیٹرنگ کا اختیار دے دیا۔

اسلامی ترقیاتی بینک کا ’کامیاب نوجوان‘ پروگرام میں شراکت دار بننے کا فیصلہ

کمیٹی نوجوانوں کے لیے نئےحکومتی منصوبوں کی تجاویز وزیراعظم کو پیش کرے گی۔

خیال رہے کہ 15 نومبر کو معاون خصوصی یوتھ افیئرزعثمان ڈار نے وزیراعظم عمران خان کو کامیاب جوان پروگرام کی ماہانہ رپورٹ پیش کی تھی، انہوں نے وزیراعظم کو پروگرام کی شفافیت، میرٹ اور درخواستوں پر بریفنگ کے دوران بتایا کہ صرف 20 دنوں میں 10لاکھ سے زائد درخواستیں موصول ہوئیں۔

اُس موقع پر وزیراعظم عمران خان کا کہنا تھا کہ نوجوان ملکی معیشت میں ریڑھ کی ہڈی کی حیثیت رکھتے ہیں، نوجوانوں کے لیے وہ سب کریں گے جس سے کامیابی کی راہ ہموار ہو۔

Comments

- Advertisement -