سوڈان میں فوجی دھڑوں نے 24 گھنٹے کی نئی جنگ بندی پر اتفاق کیا ہے امریکا اور سعودی عرب کے ثالثی میں نئی جنگ بندی آج سے شروع ہو گی۔
معاہدےکے تحت فریقین فوجی دستوں کی نقل وحرکت، طیاروں یا ڈرونز کے استعمال، توپ خانے اور فضائی حملوں سے گریز کریں گے، جنگ بندی کے دوران عسکری امتیاز حاصل کرنے کی کوشش "نہ "کرنے پر "بھی” اتفاق کیا گیا ہے۔
امریکہ اور سعودی عرب کا کہنا ہے کہ اگر سوڈان کے متحارب فریقوں نے نئی جنگ بندی کی پابندی نہ کی تو سہولت کار جدہ مذاکرات ملتوی کردیں گے۔
- Advertisement -
واضح رہے سوڈان میں متحارب فریقوں کے درمیان جنگ سے اب تک 19 لاکھ افراد بے گھر اور 4 لاکھ سے زائد ملک سے جا چکے ہیں۔
دوسری جانب خبر رساں ایجنسی کے مطابق مغربی علاقے دارفر میں بھی بدامنی پھیل گئی ہے اور لوٹ مار کا سلسلہ شروع ہو گیا ہے۔
