دبئی: 14 سالہ لڑکے کے ساتھ عصمت دری کرنے کی کوشش پرسوڈانی شخص کوعدالت نے دو سال کی قیدِ بامشقت کے بعد ملک بدرکرنے کی سزا سنادی گئی۔
تفصیلات کے مطابق پیر کے روز متحدہ عرب امارات کے دارالحکومت دبئی میں المقربات کے مقام پر گذشتہ سال جنسی زیادتی کا واقع پیش آیا تھا۔ جس میں سوڈان سے تعلق رکھنے والے 52 سالہ شخص کو ایک بچے کو اغواء کرنے کے بعد زیادتی کا نشانہ بنانے کے جرم میں دو سال کی سزا سنادی گئ ہے۔
مجرم پاکستانی نژاد متاثرے لڑکے کو موبائل میں ویڈیو کلپ دکھانے کے بہانے زبردستی مسجد میں لے گیا تھا، جس کے بعد اس نے لڑکے کو جنسی زیادتی کا نشانہ بنانے کی کوشش کی‘ تاہم موقع پرموجود کچھ طالب علموں نے متاثرہ بچے کو عین وقت پربچایا اورمقامی پولیس کو اطلاع دی۔
دبئی عدالت نے سوڈانی شخص کو دھوکے سے اغواء کرنے کے بعد زبردستی عصمت دری کرنے کے مقدمے میں دو سال جیل میں گزارنے کے بعد ملک بدر کرنے کی سزا سنا دی ہے۔
ذرائع کا کہنا ہے کہ 19سالہ طالب علم کا کہنا تھا کہ ’میں اپنے دوست کے ساتھ مسجد کے باہر موجود تھا جب سوڈانی شخص 14 سالہ لڑکے کو بہلا کراندرلے گیا تھا، ہم نے مسجد کے اندرجاکر دروازے پر دستک دی تو 52 سالہ شخص گھبرایا ہوا باہر آیا اور استسفار کرنے پر اس نے بتایا کے وہ اندراکیلا ہے لیکن اندر متاثرہ بچہ بھی موجود تھا۔
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں
