خرطوم : سوڈان میں فوجی طیارہ گر کر تباہ ہوگیا، جس میں تمام فوجی اہلکار ہلاک ہوگئے۔
تفصیلات کے مطابق سوڈان کے دارالحکومت خرطوم کے قریب ایک فوجی طیارہ گر کر تباہ ہوگیا۔
جس کے نتیجے میں عملے سمیت طیارے میں سوار تمام فوجی اہلکار جان کی بازی ہار گئے۔
فرانسیسی خبر رساں ایجنسی نے بتایا کہ سوڈانی فوجی طیارہ خرطوم کے قریب تکنیکی خرابی کے باعث گر کر تباہ ہوا۔
حادثے کے نتیجے میں طیارے میں سوار عملے سمیت سوڈانی فوج کے تمام اہلکار ہلاک ہوگئے۔
طیارے میں سوار فوجی اہلکاروں کی اصل تعداد کے حوالے سے کوئی واضح معلومات سامنے نہیں آئیں۔
سوڈانی فوج نے ایک بیان میں کہا کہ اینٹونوف طیارہ جس نے خرطوم سے تقریباً 22 کلومیٹر شمال میں وادی سیدنا ایئربیس سے اڑان بھری تھی، روانگی کے فوراً بعد ہی گر گیا۔
مبینہ طور پر چار افراد کے عملے کے ساتھ طیارہ ایک فوجی مشن پر تھا، جس میں کئی اعلیٰ افسران سوار تھے۔
عینی شاہدین کا کہنا ہے کہ طیارہ کم اونچائی پر پرواز کر رہا تھا کہ اچانک گر کر آگ کے شعلوں کی لپیٹ میں آ گیا۔
