اسلام آباد: یوٹیلیٹی اسٹورز پر ایک بار پھر چینی کا بحران پیدا ہوگیا۔ شہری سبسڈی والی سستی چینی سے محروم ہوگئے۔

ذرائع نے بتایا کہ یوٹیلیٹی اسٹورز پر چینی کا اسٹاک تقریباً ختم ہوگیا ہے اور نئی خریداری تاحال نہیں ہو سکی۔ فوری خریداری نہ کرنے پر چینی کا بحران طویل ہو سکتا ہے۔

یوٹیلیٹی اسٹورز سے منسلک ذرائع نے بتایا کہ خریداری میں مشکلات کے باعث چینی کی قلت ہوئی، یوٹیلیٹی اسٹورز نے مہنگی بولی کے باعث حال ہی میں 2 ٹینڈرز منسوخ کیے۔

ذرائع کے مطابق کچھ ٹینڈرز میں یوٹیلیٹی اسٹورز کو بولیاں ہی موصول نہیں ہوئیں، اس سے قبل یوٹیلیٹی اسٹورز پر 2 ماہ چینی کا بحران رہا تھا۔

چینی کی خریداری کیلیے کوششیں جاری ہیں۔ آئندہ ہفتے 40 ہزار ٹن چینی کا اوپن ٹینڈر کھولا جائے گا۔